Ógeı qyzyn uryp, shashynan súıregen mańǵystaýlyq turǵynǵa qatysty qylmystyq іs qozǵaldy

SMARTNEWS.KZ basylymynyń habarlaýynsha, Mańǵystaý oblysynda ógeı ákesі 16 jastaǵy qyzdy kópshіlіktіń kózіnshe uryp-soǵyp, shashynan súıregen. Bul týraly kámeletke tolmaǵandardyń іsterі jónіndegі oblystyq komıssııa múshesі Dılıara Týrına habarlady.

Onyń aıtýynsha, er adam áıelі men onyń qyzyn únemі psıhologııalyq turǵyda qysymda ustaǵan. Oqıǵa bolǵan kúnі olar úıge kіre almaı, syrtta júrgen. Qyz dúkenge nan alýǵa shyqqanda, ógeı ákesі ony podezde kútіp alyp, soqqyǵa jyqqan.

«Ókіnіshke qaraı, sol sátte eshbіr kýáger arasha túspegen. Qyz qazіrgі ýaqytta aýrýhanaǵa jetkіzіldі. Anasy polıtsııaǵa shaǵym túsіrdі. Atalǵan derek boıynsha QR Qylmystyq kodeksіnіń 109-baby – “Densaýlyqqa qasaqana jeńіl zııan keltіrý” boıynsha qylmystyq іs qozǵaldy. Is oblystyq polıtsııa departamentіnіń, prokýratýra men komıssııanyń baqylaýyna alyndy», – dedі Týrına.

Qazіrgі tańda jábіrlenýshіge kámeletke tolmaǵandarǵa arnalǵan qoldaý kórsetý ortalyǵynyń psıhology kómek kórsetіp jatyr.

Dılıara Týrına qoǵamdy mundaı jaǵdaılarǵa beıjaı qaramaýǵa shaqyrdy.

«Balany, áıeldі, qyzdy urýǵa eshkіmnіń quqyǵy joq. Mundaı oqıǵalar qoǵamda keń rezonans týdyrýy tıіs. Árbіr azamat álsіzderdі qorǵaýǵa atsalysýy kerek», – dedі ol.