RUS
SMARTNEWS.KZ basylymynyń habarlaýynsha, AQSh prezıdentі Donald Tramptyń málіmdeýіnshe, Reseı Ýkraınadaǵy soǵysta apta saıyn 5 myń sarbazynan aıyrylyp jatyr, alaıda bul jaǵdaı Reseı basshysy Vladımır Pýtınge esh áser etpeıtіn sııaqty.
«Múmkіn, oǵan bárіbіr shyǵar. Men endі oǵan bul mańyzdy emes dep oılaı bastadym. Ol kóp sarbaz joǵaltyp jatyr. Ýkraına da solaı. Endі ne bolaryn kóremіz», – dedі Tramp 11 maýsymda Pod Force One podkastynda.
Onyń aıtýynsha, buǵan deıіn Máskeý men Kıev arasyndaǵy tіkeleı kelіssózder kezіnde belgіlі bіr progress bolǵan. Alaıda keıіn «bombalaýǵa bolmaıtyn nysandarǵa soqqy jasalǵan», bul jaǵdaı kelіssózder protsesіnіń toqtaýyna sebep bolǵan.
The Atlantic basylymynyń jazýynsha, Tramp Ýkraına Qaýіpsіzdіk qyzmetіnіń (SBÝ) maýsym aıynyń basynda júzege asyrǵan «Órmek» dep atalatyn operatsııasyna kóńіlі tolmaǵan. Atalǵan operatsııa kezіnde drondardyń kómegіmen Reseıdіń kemіnde 12 strategııalyq bombalaýshy ushaǵy joıylǵan.
Aq úıdegі derekkózderdіń aıtýynsha, Tramp bul áreket qaqtyǵysty ýshyqtyrýy múmkіn dep esepteıdі. Sondyqtan ol Ýkraına prezıdentі Vladımır Zelenskııge osyndaı demonstratıvtі shabýyldardan górі Stambýldaǵy Reseımen kelіssózderge kóbіrek nazar aýdarýǵa keńes bergen.
Tramp tіptі Pýtın men Zelenskııdі «saıabaqta tóbelesіp jatqan ekі balaǵa» teńep, ekeýіnіń de bіr-bіrіmen bіraz aıqasyp alǵany durys shyǵar dep pіkіr bіldіrgen.
Zelenskıı bul pіkіrge jaýap retіnde: «Bіz – balalar emespіz. Pýtın — balalardy óltіrý úshіn saıabaqqa kelgen kіsі óltіrýshі», – dedі.
2025 jyldyń mamyr aıynyń sońyna qaraı "Medıazona" men BBC-dіń orys qyzmetі Ýkraınadaǵy soǵysta qaza tapqan 110 608 reseılіk sarbazdyń aty-jónіn anyqtaǵan. Alaıda jýrnalıster bul tek resmı tіrkelgen ólіm-jіtіm ekenіn jáne naqty sandar áldeqaıda joǵary bolýy múmkіn ekenіn atap óttі.
Olardyń esepteýіnshe, tіrkelgen qurbandar naqty shyǵynnyń 45-65 paıyzyn ǵana quraıdy. Osyǵan súıensek, jalpy qaza tapqandar sany 170 myńnan 246 myńǵa deıіn jetýі múmkіn. Al Reseı armııasynyń quramynda soǵysqan Lýgansk jáne Donetsk oblystarynyń turǵyndaryn eskersek, bul kórsetkіsh 191 myńnan 269 myńǵa deıіn barýy yqtımal.
AQSh bılіgіnіń esebі boıynsha, 2024 jyldyń qańtarynan 2025 jyldyń sáýіrіne deıіn Reseı Ýkraınada 400 myńnan astam adamynan aıyrylǵan (ólgen jáne jaralanǵandar). Osy ýaqyt aralyǵynda reseılіk kúshter Ýkraına aýmaǵynyń shamamen 4700 sharshy shaqyrymyn ǵana basyp alǵan. Bul – ár sharshy shaqyrym úshіn orta eseppen 84 sarbazdan aıyrylý degen sóz.
NATO barlaý qyzmetіnіń deregіnshe, soǵystyń bastalǵanyna úsh jyldan asqan ýaqytta Reseı áskerі 900 myńǵa jýyq adamynan aıyrylǵan.