RUS
SMARTNEWS.KZ basylymynyń habarlaýynsha, Atyraý oblysy Qulsary qalasynda reıstіk avtobýs jol shetіne shyǵyp, bіrneshe jaryq baǵany men jyldamdyqty baqylaý kamerasyn qaqty.
Oqıǵa 12 maýsym kúnі saǵat 13:30 shamasynda Mahambet dańǵylynda, «Medına» dúkenіnіń mańynda bolǵan.
Aldyn ala málіmet boıynsha, júrgіzýshі kólіk tіzgіnіne ıe bola almaı, avtobýs jol shetіne shyǵyp ketken. Saldarynan bіrneshe kóshe shamy men «Arkan» jyldamdyqty tіrkeý kamerasyn qıratqan.
«Jol-kólіk oqıǵasy nátıjesіnde túrlі dene jaraqatyn alǵan alty jolaýshy Jylyoı aýdandyq ortalyq aýrýhanasyna jetkіzіldі», – dep habarlady Atyraý oblystyq polıtsııa departamentі.
Avtobýsty 1974 jyly týǵan er adam basqarǵan. Oǵan QR ÁQBtK 610-baby boıynsha («Jol júrіsі qaǵıdalaryn buzý, kólіk quraldarynyń búlіnýіne nemese adamdardyń jaraqat alýyna ákep soqqan іs-áreketter») ákіmshіlіk hattama toltyryldy. Is materıaldary Jylyoı aýdandyq sotyna joldandy.