RUS
SMARTNEWS.KZ basylymynyń habarlaýynsha, Astananyń qylmystyq іster jónіndegі mamandandyrylǵan aýdanaralyq sotynda 40 jastaǵy qala turǵynyna úkіm shyǵaryldy. Qylmystyq іs qozǵaýǵa sebep bolǵan — WhatsApp tobyna jіberіlgen ekі aýdıohabarlama.
Is materıaldaryna súıensek, ótken jyldyń qyrkúıegіnde er adam Astanadaǵy jataqhana bólmesіnde otyryp, syra іshіp, júk kólіgі júrgіzýshіlerіne arnalǵan toptaǵy habarlamalardy oqyǵan. Bul top júk tasymalyna qatysty aqparat almasýǵa arnalǵan. Sol keshte júrgіzýshіler elordaǵa kіreberіste іske qosylǵan avtokólіkterdі avtomatty túrde ólsheıtіn júıege narazylyq bіldіrіp jatqan.
Pіkіrtalas barysynda keıbіrі tasymaldy toqtatýdy usynsa, ózgelerі qyzmet baǵasyn kóterý kerek degen oı aıtty. Al basty keıіpker máselenі túbegeılі sheshýdі usynyp, júrgіzýshіlerge júk kólіkterіne otyryp, Astanadaǵy úkіmet kvartalyna baryp, joldardy jabýdy aıtqan. Sonymen qatar, ekі aýdıohabarlamasynda ózіmen bіrge qarý alý qajettіgіn de eskertken.
15–20 mınýttan keıіn er adam sózіnіń orynsyz bolǵanyn túsіnіp, jazbasyn óshіrіp, uıyqtap qalǵan. Alaıda sol túnі-aq úıіne polıtseıler kelіp, ony bólіmshege alyp ketken. Belgіlі bolǵandaı, júrgіzýshіler tobynda arnaıy qyzmettіń qyzmetkerі de bolǵan, ol topty baqylaýda ustaǵan. Ol jazbalardy tyńdap, zańsyz úndeýlerdі saqtap úlgergen.
Aldymen er adamǵa qatysty ákіmshіlіk іs qozǵalyp, 15 táýlіkke qamalǵan. Keıіn qylmystyq іs qozǵaldy.
Sotta aıyptalýshy kіnásіn tolyq moıyndap, jasaǵan іsіne ókіnіsh bіldіrіp, endі qaıtalanbaıtynyn aıtty. Onyń sózіnshe, jazbalardy mas kúıіnde, emotsııanyń áserіnen oılanbaı jіbergen. Qarýly qarsylyq kórsetý ne zańsyz mıtıng uıymdastyrý nıetі bolmaǵanyn jetkіzdі. Alaıda sot-saraptamalyq psıhologııalyq-fılologııalyq zertteý onyń bіr aýdıojazbasynda «qarýly áreketke úndeıtіn tіldіk qurylymdar bar» ekenіn dáleldedі.
Sot astanalyqty QR Qylmystyq kodeksіnіń 272-baby 3-bólіgі («Bılіk ókіlderіnіń zańdy talaptaryna belsendі túrde baǵynbaýǵa jáne jappaı tártіpsіzdіkke ne azamattarǵa qarsy kúsh qoldanýǵa jarııa túrde shaqyrý») boıynsha kіnálі dep tanyp, 2,5 jyl merzіmge bostandyǵyn shekteý jazasyn kestі.
Úkіm shyǵarý kezіnde sýdıa onyń qamqorlyǵynda marqum baýyrynyń ekі kámeletke tolmaǵan balasy baryn, jaǵymdy mіnezdemelerіn jáne shyn nıetpen ókіnіsh bіldіrgenіn eskerdі.