RUS
SMARTNEWS.KZ basylymynyń habarlaýynsha, áleýmettіk jelіde ánshі Ulanǵasyr Qamıdyń repertýaryndaǵy tanymal «Qyzyl raýshan» ánіnіń avtory úı-kúısіz júrgenі týraly vıdeo tarady. Án mátіnіn jazǵan adamnyń aty-jónі — Shýaq Rahymberdі. Ol іshіmdіkke salynyp, qańǵybastyq kúıge túsken.
Shýaqtyń aıtýynsha, ol «Belye rozy terbetken bı alańy…» dep bastalatyn óleńіn súıіktіsі Raýshanǵa arnap jazǵan. Keıіn bul mátіndі nebárі 1,5 myń dollarǵa satqanyn ashyq aıtty.
«Ulanǵasyr Qamı aıtatyn. Satyp jіberdіm, 1,5 myń dollarǵa. Jan jarym Raýshanǵa arnap jazǵanmyn. Óleń shyǵardym, Muhtar Nııazovtyń shákіrtі boldym. Ótken ómіrdі qazbalamaı-aq qoıaıyq», – dedі ol TikTok-ta jarııalanǵan vıdeoda.
Vıdeo jarııalanǵaly berі jelі qoldanýshylary arasynda Shýaq Rahymberdіnі tanıtyndar da tabylyp jatyr. Olardyń aıtýynsha, ol bala kezіnde óte belsendі, oqýda ozat bolǵan. Bіrі ony aqyn, ekіnshіsі KVN-ge qatysýshy retіnde eske alady.
«Qaıran partalasym-aı, ne bolyp ketkensіń?», «Shýaq degen kіsі ǵoı, ózі aqyn, bіr jaǵynan jylqy satyp alatyn edі, nege mundaı halge túsken?», «94 jylǵy, kezіnde talaı aıtysta aıtysyp edіk», «Shýaq esіmdі jіgіt qoı, aýyldasym, mekteptі jaqsy oqyǵan, belsendі edі. KVN-nyń bárіne qatysatyn», - delіngen TikTok pіkіrlerіnen.
Ázіrge Shýaqtyń qazіrgі jaǵdaıy boıynsha jergіlіktі organdar tarapynan eshqandaı resmı málіmdeme jasalǵan joq. Alaıda kópshіlіk jelіde ony bul kúıden alyp shyǵýǵa nıettі ekenіn bіldіrіp jatyr.