RUS
SMARTNEWS.KZ basylymynyń habarlaýynsha, ánshі Sáken Maıǵazıevtіń uly Ádіlet pen kelіnі Ádııa bіr jyl buryn Aqtaý qalasynda tanysqan. Bul týraly olar jýrnalıst Anna Danchenkoǵa bergen suhbatynda aıtty.
Ádіlettіń aıtýynsha, ol bolashaq jaryn alǵash ret dosynyń kofehanasynda kórgen.
«Bereket degen dosym Aqtaýdan kofeınıa ashty. Ol — Ádııanyń aǵasy. Sol jerge barǵanymda alǵash ret kórіp, ǵashyq boldym. Bіraq bіrden baryp sóılese almadym, uıaldym. Bіraz ýaqyt ótken soń Bereket úılendі. Toıda Ádııamen qaıta jolyǵyp, tanysýdy sheshtіm. Toı aldyndaǵy jıynda onyń aıaq kıіmіn alyp berdіm, bіraq betіne tіk qaraýǵa uıaldym. Keıіn toıda áńgіme bastaýǵa múmkіndіk týdy», — dedі Ádіlet.
Kelіnі Ádııa da sol kezdesýden keıіn-aq jіgіtke qyzyǵa bastaǵanyn jasyrmady.
«Toıdan keıіn jastar úıge jınaldyq. Sol kezde Ádіlettіń qasyna otyryp qaldym. Ol qamqorlyq tanytyp, tamaǵymdy salyp, sýsynymdy quıyp berdі. Sol sátte qatty unap qaldy», — dedі Ádııa.
Qazіrgі tańda Ádіlet otbasylyq bıznespen aınalysady, al kelіnі ázіrge jumys іstemeıdі. Ol Aqtaýdaǵy kolledjde qonaq úı bıznesі boıynsha bіlіm alǵan. Ádіlet Almatydaǵy Súleımen Demırel kolledjіn jáne KIMEP ýnıversıtetіn qarjy mamandyǵy boıynsha támamdaǵan.
Eske salsaq, jýyrda Sáken Maıǵazıev ulyna Almatyda dúrkіretіp úılený toıyn jasaǵan edі. Onlaın toıǵa 8 myńnan astam adam qosylǵan.