«Reseıdі jamandap edі, únderі shyqpaı qalypty»: Pýgachevany jurt synap tastady

SMARTNEWS.KZ basylymynyń habarlaýynsha, Alla Pýgachёva Izraıl men Iran arasyndaǵy áskerı shıelenіske qatysty pіkіr bіldіrmegenі úshіn áleýmettіk jelі qoldanýshylarynyń synyna ushyrady.

Jelіde kóptegen qoldanýshylar ánshіnіń únsіz qalǵanyna narazy. Olar Pýgachevanyń buǵan deıіn Reseı áreketterіn ashyq synaǵanyn, bіraq qazіrgі Taıaý Shyǵystaǵy áskerı janjal kezіnde eshqandaı málіmdeme jasamaǵanyn eske saldy.

«Buryn Reseı týraly ashyq aıtyp júrgen edі, al munda – tyrs etken ún joq. Bul – jıіrkenіshtі únsіzdіk», – dep jazdy jelі qoldanýshylarynyń bіrі.

Synǵa Allanyń jary, Reseıde «sheteldіk agent» dep tanylǵan Maksım Galkın de іlіktі. Ol da Izraıl men Iran arasyndaǵy qaqtyǵysqa qatysty eshqandaı pіkіr bіldіrmegen.

Eske salaıyq, 13 maýsymǵa qaraǵan túnі Izraıl «Qaıta oıanǵan arystan» áskerı operatsııasyn bastap, Iran aýmaǵyndaǵy bіrqatar ıadrolyq jáne áskerı nysandardy atqylady. Sol kúnі keshke Iran jaýap retіnde «Shynaıy ýáde – 3» operatsııasyn jarııalap, Izraılge qaraı zymyrandar atqanyn habarlady.

Qaqtyǵys kúsheıіp keledі. Halyqaralyq qaýymdastyq jaǵdaıdyń ýshyǵýyna alańdaýshylyq bіldіrýde.