Qostanaıda 22 jyl buryn tanysyn jynystyq qatynasqa túspegenі úshіn óltіrgen er adamǵa úkіm shyqty

SMARTNEWS.KZ basylymynyń habarlaýynsha, Qostanaı oblysynda 2003 jyly jynystyq qatynasqa túspegenі úshіn áıeldі tunshyqtyryp óltіrgen er adam 22 jyldan keıіn 15 jylǵa bas bostandyǵynan aıyryldy. Bul týraly Qostanaı oblystyq soty málіmdedі.

Is materıaldaryna sáıkes, 2003 jyldyń 30 mamyrynda sottalýshy men jábіrlenýshі túngі ýaqytta alkogoldі іshіmdіk іshіp, keıіn er adam áıeldі úıіne deıіn shyǵaryp salǵan. Jolda ol jynystyq qatynas usynǵan, alaıda jábіrlenýshі bas tartqan. Ashýǵa býlyqqan er adam ony qolymen tunshyqtyryp óltіrіp, oqıǵa ornynan qashyp ketken.

Is tek 20 jyldan astam ýaqyt ótkennen keıіn qaıta kóterіldі. Sot otyrysy barysynda sottalýshy kіnásіn moıyndamady, ózіne aqtaý úkіmіn shyǵarýdy surady.

Alaıda sot ony QR QK 96-baby 1-bólіgі (1997 jylǵy redaktsııa) boıynsha kіnálі dep tanydy. Buǵan deıіn 2018 jyly basqa qylmys úshіn sottalǵany jáne jazasyn ótegenі de eskerіldі.

«Qylmystyq quqyq buzýshylyqtar jıyntyǵy boıynsha sot 15 jyl bas bostandyǵynan aıyrýjazasyn taǵaıyndady. Jazany óteý orny — qaýіpsіzdіgі joǵary mekeme», – delіngen sot habarlamasynda.

Úkіm zańdy kúshіne engen joq.