RUS
SMARTNEWS.KZ basylymynyń habarlaýynsha, «Mańǵystaý – Semeı» baǵytyndaǵy poıyzda áıel jolaýshy arnaıy áıelder vagonyn tańdaǵanyna qaramastan, іshke er adamnyń kіrіp ketkenіn aıtyp, narazylyq bіldіrdі.
Onyń aıtýynsha, ol áıelder vagonyna bılet alyp, qaýіpsіz jáne jaıly sapar úmіtіnde bolǵan. Alaıda kýpege er adam – poıyz qyzmetkerі kіrіp, esh eskertýsіz suraq qoıǵan.
«Jaı ǵana tynysh jetіp, demalyp, qaýіpsіzdіkte bolǵym keldі. Ystyq boldy, іshkıіmіmdі sheshіp otyrǵam. Sol sátte er adam kіrіp keldі de: “Komandırovochnyı kerek pe?” dep surady. Eger bіrdeńe qajet bolsa, ózіm shyǵatyn edіm ǵoı. Onda áıelder vagonynyń ne keregі bar?» – dedі jolaýshy.
Ol mundaı jaǵdaılar áıelder vagony degen uǵymnyń ózіne kúmán keltіretіnіn aıtyp, jeke shekara buzylǵanyn atap óttі.
«Bіz mundaı bıletterdі jaıdan-jaı almaımyz. Bіzge qaýіpsіzdіk pen jaılylyq kerek. Bul – kaprız emes, bul – bazalyq qajettіlіk. Qyzmetkerler de áıel bolýy tıіs», – dedі ol.
Alaıda jolaýshy bul jaǵdaı boıynsha resmı shaǵym túsіrmegen.
Oqıǵaǵa baılanysty «Jolaýshylar tasymaly» AQ baspasóz qyzmetі túsіnіkteme berdі:
«38/37 «Mańǵystaý – Semeı» poıyzynyń №6 vagonyna áıel qyzmetker jaýapty bolǵan. Alaıda jol ústіnde ózіn jaısyz sezіnіp (bas aınalý, qyzýy kóterіlgen), ýaqytsha er adam – kezekshі jolserіk onyń mіndetіn atqarǵan. Ol tek qajettі qyzmettіk árekettermen shekteldі».
Kompanııa bul jaǵdaı boıynsha jolserіkpen túsіndіrý jumystary júrgіzіlgenіn jáne bolashaqta mundaı oqıǵalarǵa jol berіlmeıtіnіn aıtty. Sonymen qatar, jolaýshydan keshіrіm surady.
Aıta keteıіk, Qazaqstanda áıelderge arnalǵan vagondar alǵash ret 2021 jyly engіzіlgen. Onda tek áıelder men 7 jasqa deıіngі ul balalar ǵana bola alady. Sondaı-aq, jumys іsteıtіn jolserіkter de – áıelder.
Búgіnde mundaı vagondar 11 baǵyttaǵy poıyzdarda bar, olardyń qatarynda:
Astana – Semeı
Aqtóbe – Almaty
Almaty – Mańǵystaý
Mańǵystaý – Semeı
Atyraý – Astana
Pavlodar – Túrkіstan
1 maýsymnan bastap Oral – Mańǵystaý baǵytynda da áıelder vagony іske qosyldy.