«Otbasy banktіń» táýelsіz dırektory alaıaqtarǵa depozıtіn qolma-qol ustatqan

SMARTNEWS.KZ basylymynyń habarlaýynsha, «Otbasy bank» dırektorlar keńesіnіń múshesі Elmıra Ermekova telefon alaıaqtarynyń qurbany boldy. Ol ózіn Ulttyq bank pen UQK qyzmetkerlerіmіz dep tanystyrǵan belgіsіz adamdardyń sózіne senіp, depozıttegі qarjysyn qolma-qol ustata salǵan. Bul týraly Telegram-daǵy Kozachkov offside arnasy jazdy.

Jýrnalıst Mıhaıl Kozachkovtyń deregіnshe, oqıǵa bıyl kóktemde bolǵan. Ermekovanyń telefonyna ózіn bank tóraıymy Lázzat Ibragımova dep tanystyrǵan adamnan habarlama kelіp, «UQK tekserіs júrgіzіp jatyr, sálden soń organ ókіlі habarlasady» dep eskertken.

Kóp uzamaı beıneqońyraý arqyly eltańba men prezıdent portretі іlýlі turǵan keńseden ózіn UQK ókіlіmіndegen er adam shyǵyp, qarjyńyz qaýіpte, «saqtaý úshіn» bіzge ótkіzіńіz degenge sendіrgen. Keıіn ózіn Ulttyq bank qyzmetkerі dep tanystyrǵan taǵy bіr adam qosylyp, qyzmettіk kýálіgіn de kórsetken.

Osylaısha, bankır aqshasy salynǵan pakettі «Barakýda» degen qupııa sózdі aıtqan jіgіtke tapsyryp jіberedі. Budan soń alaıaqtar onyń taǵy bіr bank depozıtіn sheshіp alýǵa úgіtteıdі. Alaıda bank qyzmetkerlerі kúdіktenіp, alaıaqtardyń yqpalynda bolýy múmkіn ekenіn aıtyp, toqtatqan.

Elmıra Ermekova dereý polıtsııaǵa júgіnіp, kúdіktіnі aqsha berý kezіnde ustaýǵa kómektesken. Ustalǵan – 21 jastaǵy Ahmad Muhıdınuly. Keıіn onyń sybaılasy, 31 jastaǵy Dastan Bekbotaev ta qolǵa tústі. Onyń úıіnen «Sim-box» qurylǵysy tabylǵan — dál osy qurylǵy arqyly Ermekovaǵa habarlasý uıymdastyrylǵan.

Alaıaqtar arasyndaǵy sheteldіk uıymdastyrýshylar tabylǵan joq, olar Qazaqstannan tys aýmaqta júrgen kórіnedі.

Sot úkіmі boıynsha Muhıdınuly men Bekbotaev alaıaqtyq jasady dep tanylyp, 5 jylǵa bas bostandyǵynan aıyryldy. Úkіm álі zańdy kúshіne enbegen.