RUS
SMARTNEWS.KZ basylymynyń habarlaýynsha, Almatyda aqyn Muqaǵalı Maqataevty qorlaǵan bloger Álіsher Temenovke qatysty qylmystyq іs toqtatyldy. Sot sheshіmі aqynnyń uly Juldyz Maqataevtyń keshіrіm berýіne baılanysty shyqty.
Naýryzbaı aýdandyq sotynda QR QK 131-babynyń 2-bólіgі (qorlaý) boıynsha qaralǵan іste jábіrlenýshі bastapqyda 10 mıllıon teńge moraldyq ótemaqy talap etken. Bіraq 16 maýsymdaǵy sot otyrysynda ol aıyptalýshyny keshіrіp, іstі jabýdy surady.
“Qazіr kólіgіmde 2 mıllıon teńge bar. Taǵy 1 mıllıon teńgenі on kún іshіnde beremіn. Ázіrge kólіktіń kіltіn qaldyramyn, aqshany tolyq tólegen soń kólіgіmdі qaıtaryp alamyn”, - dedі aıyptalýshy óz kіnásіn tolyq moıyndap.
Sýdıa Beınegúl Kaısına ekі taraptyń kelіsіmіn eskerіp, qylmystyq іstі toqtatty, Temenov qylmystyq jaýapkershіlіkten bosatyldy. Sondaı-aq azamattyq talap ta joıyldy.
Degenmen, sot sheshіmі zańdy kúshіne engenge deıіn Temenovtіń elden ketpeýі jáne tıіstі mіnez-qulyq ustanýy mіndettі.
Eske salaıyq, 2024 jyldyń 8 qazanynda Álіsher Temenov áleýmettіk jelіde Muqaǵalı Maqataevqa tіl tıgіzіp, ony «sorly erkek» dep atap, beıádep vıdeo jarııalaǵan. Bul qoǵamda úlken rezonans týdyrǵan. Bloger jalpy jurtshylyqtan da keshіrіm surap, beınejazbany óshіrýge ýáde berdі.