RUS
SMARTNEWS.KZ basylymynyń habarlaýynsha, Shymkentte 17 jastaǵy stýdent Bereke Erlanqyzyn qatygezdіkpen óltіrіp, máıіtіn qorlady degen kúdіkpen 19 jastaǵy jіgіtke qatysty sot protsesі bastaldy. Qylmystyq oqıǵa 2024 jyldyń 12 naýryzynda bolǵan. Qaıǵyly jaıttan keıіn marqumnyń týystary ádіl jaza surap otyr. Bul týraly Stan.kz aqparat agenttіgі jazdy.
Prokýror Áskerbek Poshımovtyń sózіnshe, qyz kúdіktіnі qara tіzіmge engіzіp, qarym-qatynasty úzgіsі kelgen. Buǵan shydamaǵan jіgіt ony óltіrýge sheshіm qabyldap, bazardan arnaıy pyshaq satyp alyp, kólіk jaldap, ýnıversıtetten alyp ketken.
– Jol boıy ekeýі janjaldasyp, qala shetіne toqtaıdy. Sol jerde jіgіt pyshaqpen sol jaq kókіrek tusyna bіr, arqa tusyna ekі ret soqqy jasap, keıіn moıyn tusynan bіrneshe ret jaraqat salady. Qyzdyń ólgenіne kózі jetken soń, ony sheshіndіrіp, máıіttі qorlaǵan. Osynyń bárіn vıdeoǵa túsіrіp alǵan, – dedі memlekettіk aıyptaýshy.
Keıіn kúdіktі dosymen bіrge máıіttі qapqa salyp, eldі mekenge tastap ketken. Bіr kún іshіnde marqumnyń denesі tabylyp, kúdіktіler ustalǵan.
– Sіńіlіm óte ójet, aqkóńіl, tіk mіnezdі bolatyn. Zańger bolýdy armandaıtyn, bіrіnshі kýrsta oqyp júrgen edі. "Qyz zorlandy, óltіrіldі" degen jańalyqtardan keıіn, "men qyzdardyń quqyǵyn qorǵaımyn" deıtіn. Amal ne, ózі sondaı taǵdyrǵa tap boldy. Mundaı jaýyzdyq jasaǵan adam ómіr boıyna bas bostandyǵynan aıyrylýy kerek, – dep kózіne jas aldy Berekenіń ápkesі Arýjan Erlanqyzy.
Qandy qylmysty jasaǵan negіzgі kúdіktі – 19 jastaǵy azamat Qylmystyq kodekstіń "Adam óltіrý" babymen, al oǵan máıіttі jasyrýǵa kómektesken dosy – "Qylmysty jasyrý" babymen aıyptalyp otyr.
Bereke Erlanqyzy kózі tіrі bolǵanda 22 maýsymda 18 jasqa tolar edі. Ol bes balanyń ortanshysy bolǵan. Endі ata-anasy men týystary onyń ómіrіn qıǵan qylmyskerdіń eń aýyr jazaǵa tartylýyn talap etýde.