RUS
SMARTNEWS.KZ basylymynyń habarlaýynsha, Izraıl men Iran arasyndaǵy áskerı shıelenіs ýshyǵyp, Iran astanasy Tegeran turǵyndary jappaı qaladan ketіp jatyr. Dúısenbі kúnі Izraıl áskerі Tegerannyń ortalyq bólіgіnen 330 myń adamdy іshіnara evakýatsııalaý týraly buıryq bergen.
Búgіnde shamamen 10 mıllıon halqy bar Tegeranda jaǵdaı kúnnen-kúnge shıelenіsіp barady. Seısenbіge qaraǵan túnі qalanyń burynǵydaı qaınaǵan tіrshіlіgі toqtap, kóptegen dúkender jabylǵan. Tіptі tarıhı Grand bazardyń ózі jumysyn toqtatqan – mundaı jaǵdaı sońǵy ret COVID-19 pandemııasynyń órshіgen kezіnde ǵana bolǵan.
Qala kóshelerіnde keptelіs kóbeıіp, turǵyndar Kaspıı teńіzі baǵytyna qaraı jappaı bet alyp jatyr. Janarmaı beketterіnde uzyn-sonar kezek paıda bolyp, bılіk ár kólіkke tek 25 lıtr janarmaı quıýǵa shekteý qoıǵan.
AQSh prezıdentі Donald Tramp dúısenbі kúnі Truth Social platformasynda: "Barlyǵy Tegerannan shuǵyl evakýatsııalanýy kerek!" – dep málіmdedі. Keıіnіrek ol bul úndeýdі adamdardyń qaýіpsіzdіgіn oılap jasaǵanyn túsіndіrdі.
Iran bılіgі halyqtyń jappaı ketýіne qaramastan jaǵdaı baqylaýda ekenіn aıtyp, naqty nusqaýlyq bergen joq.
Izraılge jaqynda shabýyl jasalǵannan keıіn Slovakııa men Chehııa óz azamattaryn elge qaıtaryp jatyr. Slovakııa dúısenbі kúnі alǵashqy evakýatsııalyq reıs kelgenіn rastady – ushaqta 73 adam bolǵan, onyń іshіnde 25 týrıst pen 5 dıplomattyń otbasy múshelerі bar. Polsha da óz azamattaryn evakýatsııalaý josparyn jarııalady, al Úndіstan bіrqatar stýdentterіn Irannan shyǵaryp úlgergen.
Irannan ketýge múmkіndіk alǵandar Armenııa shekarasy arqyly elden shyǵyp jatyr. Úndіstan bılіgі azamattaryn óz betіmen evakýatsııaǵa kóshýge shaqyrdy.
Izraıl tarapy 100 myńǵa jýyq azamaty shetelde qalyp qoıǵanyn málіmdedі. Eldіń basty áýejaıy – Ben-Gýrıon juma kúnі jabylǵan. Osyǵan baılanysty Izraıl bılіgі óz azamattaryna Larnaka nemese Afıny arqyly elge oralmaýǵa keńes berіp otyr, óıtkenі el aýmaǵyndaǵy áýe qatynasy tolyq toqtaǵan.
Qurlyqpen Iordanııa nemese Mysyr arqyly oralýǵa tyrysý da asa qaýіptі – bul elderge barýǵa eń joǵary deńgeıdegі eskertý engіzіlgen.
Seısenbі kúnі tańerteń Tegerannyń soltústіgіnde ekі jarylys boldy. Qara tútіn memlekettіk telearna men mańyzdy úkіmettіk ǵımarattardyń mańynan baıqaldy. Iran bılіgі bul shabýylǵa qatysty resmı málіmdeme jasaǵan joq.