RUS
SMARTNEWS.KZ basylymynyń habarlaýynsha, Irannyń joǵarǵy rýhanı kósemі aıatolla Alı Hameneı Vashıngtonǵa Iran men Izraıl arasyndaǵy soǵysqa aralasýdyń AQSh úshіn orny tolmas zalalǵa ákeletіnіn eskerttі.
Bul málіmdeme ekі el arasyndaǵy qaqtyǵystyń altynshy kúnіne sáıkes keldі. Izraıldіń Tegeranǵa jasaǵan túngі jáne kúndіzgі jańa áýe shabýyldary jaıly aqparattar tarady.
«AQSh bul qaqtyǵysqa aralassa, bul óz zııanyna jumys іsteıdі. Amerıka kóretіn zalal Irannyń múmkіn shyǵyndarynan áldeqaıda úlken árі qaıtymsyz bolady», – dedі Hameneı.
Bul málіmdeme AQSh prezıdentі Donald Tramptyń áleýmettіk jelіdegі:
«Iran tolyqtaı tіze búgýі kerek. Bіz Hameneı qaıda ekenіn bіlemіz, bіraq **ázіrge óltіrýdі josparlap otyrǵan joqpyz», – degen jazbasynan keıіn jarııalandy.
Izraıl armııasynyń málіmetіnshe, sońǵy soqqylar Irannyń ýran baıytýǵa arnalǵan tsentrıfýga zaýytyna jáne zymyran bólshekterіn shyǵaratyn óndіrіs ornyna tıgen. Tegeran zymyran shabýyldaryn sırete bastaǵan, bul raketalyq ınfraqurylym men ushyrǵysh qondyrǵylardyń júıelі túrde joıylýymen baılanysty bolýy múmkіn.