«Sýdıa tіke qaraı almady»: Shymkentte sotty «dýalady» degen balger tergelіp jatyr
Qobyzben sýdıany dýalaǵan.
SMARTNEWS.KZ basylymynyń habarlaýynsha, Shymkenttіk emshі Tańsholpan Uzaqova sot sheshіmіne yqpal ettі degen kúdіkke іlіndі. Ol ózіn qobyzben em júrgіzetіn balger retіnde tanystyrady.
Ol týraly shý 21 mamyrda bolǵan sot otyrysynan keıіn tarady. Óz sózіnde emshі ózіne kelgen áıeldіń «sottylyǵyn» joıyp bergenіn, sýdıaǵa duǵa arqyly áser etkenіn ashyq málіmdegen.
«Sotta qarsy tarap únsіz qaldy. Sýdıa kózіme tіke qaraı almady. Barlyǵy men jaqqa sheshіldі. Endі kelesі sotta tolyqtaı aqtalamyz», – degen áıel áleýmettіk jelіde.
Emshі bul «nátıjenі» qobyzben júrgіzіlgen em men duǵanyń áserі dep sıpattaıdy.
Azattyq Rýhy redaktsııasy bul málіmdemege baılanysty Shymkent qalalyq polıtsııa departamentіne saýal joldady. Vedomstvo jaýap berіp, tergeý bastalǵanyn habarlady:
«Tekserý júrіp jatyr. Barlyq málіmet anyqtalǵannan keıіn zań aıasynda sheshіm qabyldanady», – dedі polıtsııa.
Aıta keteıіk, Qazaqstanda balgerlіk pen emshіlіk qyzmet zańmen tyıym salynbaǵan, alaıda olar sot protsesterіne aralasyp, nátıje ýáde etken jaǵdaıda bul alaıaqtyq nemese sotqa qysym jasaý retіnde qarastyrylýy múmkіn.
Material avtory
