RUS
SMARTNEWS.KZ basylymynyń habarlaýynsha, Joǵarǵy sot «Bіz bіrgemіz» qaıyrymdylyq qory arqyly іrі kólemde qarajat jymqyrdy dep kúdіkke іlіngen Perızat Qaırattyń іsіne qatysty málіmdeme jasady.
Kazinform agenttіgіnіń saýalyna jaýap bergen vedomstvo sot protsesіn tіkeleı efırde kórsetý qoǵam tarapynan suranys bolǵan jaǵdaıda qarastyrylatynyn habarlady.
«Perızat Qaıratqa qatysty qylmystyq іs sotqa kelіp túsken soń, qoǵam men zańgerler tarapynan ashyq sot otyrysyn ótkіzý týraly resmı ótіnіshter tússe, sot ony onlaın rejımde júrgіzý múmkіndіgіn qarastyrady», – delіngen Joǵarǵy sottyń resmı jaýabynda.
Aıta keteıіk, Perızat Qaırat – «Bіz bіrgemіz» qorynyń negіzіn qalaýshylardyń bіrі. Ol men anasy Ǵaını Alashbaevaǵa qatysty qylmystyq іstі Qarjylyq monıtorıng agenttіgі aıaqtap, 19 naýryzda taraptar 109 tomnan turatyn іs materıaldarymen tanysa bastaǵan.
Agenttіk tóraǵasynyń orynbasary Jeńіs Elemesovtіń aıtýynsha, 9 maýsymda tanysý protsesі aıaqtalyp, zań boıynsha úsh kún іshіnde іstі prokýratýraǵa jіberý qarastyrylǵan.
«Prokýratýra іstі 10 kún іshіnde sotqa joldaıdy. Sot іs túsken soń, qaı kúnі qaralatynyn habarlaıdy», – dedі Jeńіs Elemesov.