RUS
SMARTNEWS.KZ basylymynyń habarlaýynsha, Astana qalasynyń soty kásіpkerdіń buqaralyq aqparat quralyn sotqa bergen іsіn qarady. Iste bıznesmen ózіnіń beınesіn zańsyz paıdalanǵany, bedelіn túsіrgenі úshіn ótemaqy óndіrýdі talap etken.
2024 jyldyń shіldesіnde onlaın basylym kásіpker týraly materıal jarııalap, ony belgіlі aktsıonerlіk qoǵamnyń dırektorlar keńesіnіń tóraǵasy jáne sol kompanııanyń ıesі retіnde tanystyrǵan. Maqalada kásіpkerdіń sýretі aqshanyń jáne záýlіm saraıdyń fonynda jarııalanǵan. Bul materıal Instagram jelіsіnde de taraǵan.
Talapker óz sýretіnіń ruqsatsyz paıdalanylǵanyn, bul áreket oǵan moraldyq zııan keltіrіp, іskerlіk bedelіne nuqsan tıgіzgenіn aıtyp, sottan zalal men moraldyq ótemaqy óndіrіp berýdі surady. Aıtýynsha, jarııalanymnan keıіn bіrqatar serіktesterі kelіsіmshartty buzǵan.
Alaıda sot talapty qanaǵattandyrýdan bas tartty. Sottyń túsіndіrýіnshe, sýret azamattyń ruqsatynsyz tek zańda kórsetіlgen erekshe jaǵdaılarda ǵana jarııalana alady. Bul jaǵdaıda kásіpkerdіń beınesі buǵan deıіn kópshіlіkke qoljetіmdі ashyq kózderde jarııalanǵan, árі ol burynǵy Parlament depýtaty retіnde qoǵamdyq qyzmetpen aınalysqan tulǵa bolǵan.
Sot qandaı sheshіm qabyldady?
– Sýret buqaralyq іs-sharada túsіrіlgen
– Jarııalanǵan fotosýret ashyq derekkózden alynǵan
– Tulǵanyń beınesі onyń burynǵy qoǵamdyq qyzmetіmen baılanysty
– Zań boıynsha mundaı jaǵdaıda ruqsat talap etіlmeıdі.
Sot BAQ-tyń zań sheńberіnde áreket etkenіn aıtyp, zııandy óteýden de, moraldyq ótemaqydan da bas tartty.
Sot sheshіmі óz kúshіne endі.