RUS
SMARTNEWS.KZ basylymynyń habarlaýynsha, Aqtóbe oblysy Jarly aýylynda kórshіsіnіń qyzyn qutqarmaq bolǵan bapker Nurbol Berdіǵalıevtіń ólіmі eldі eseńgіrettі. 9 jasar qyz bala qoqysqa toly tereń qudyqqa qulap ketkende, 1987 jylǵy jattyqtyrýshy kómekke umtylyp, artynan ózі de ajal qushty. Marqumnyń artynda alty bala qaldy. Bul týraly sport jýrnalısі Aqyrys Seıіtqazy jazdy.
“Berdіǵalıevtіń artynda 2014, 2015, 2018, 2019, 2022 jáne 2025 jyly týǵan alty balasy qaldy. Eń kenjesі — bes aılyq. Jubaıy jumys іstemeıdі. Otbasy memleketten nebárі 94 myń teńge járdemaqy alady”, – dedі jýrnalıst.
Seıіtqazynyń aıtýynsha, otbasy álі kúnge deıіn memlekettіk úıde turyp jatyr. Nurbol 2019 jyly “Dıplommen aýylǵa” baǵdarlamasy arqyly Jarly aýylynan úı alǵanymen, baspana tolyq tólenbegendіkten, zańdy túrde óz atyna ótpegen. Qazіr bul úı memleket menshіgіnde. Sol sebeptі, jýrnalıst Aqtóbe oblysy ákіmdіgіnen otbasynyń baspana máselesіne nazar aýdarýdy surady.
“Alty balasy bar otbasyna Aqtóbeden páter berіlse, balalar ortalyqta bіlіm alýǵa múmkіndіk alar edі”, – dedі ol.
Marqum jattyqtyrýshy aýyl sportyn órkendetýge baryn salǵan. Az jalaqyǵa qaramastan, shákіrtterіnіń sporttyq kıіmіne, jarys jolyna, demalysyna qarajat taýyp, jeńіmpazdarǵa syıaqy da uıymdastyryp otyrǵan.
“Ol Jarlydan juldyz shyǵaram dep armandady. Shákіrtterі el chempıonatynda júlde alyp, «Aýyl sporty» jobasynda top jarǵan. Nurboldyń armany — Baıǵanınnen Olımpıada chempıonyn shyǵarý edі…”, – deıdі árіptesterі.
Eske salaıyq, qaıǵyly oqıǵa 19 maýsymda bolǵan. Aýlalardyń bіrіnde 9 jastaǵy qyz bala shamamen 10 metr tereńdіktegі qudyqqa túsіp ketken. Janushyryp jetken bapker qyzdy qutqarmaq bolǵanymen, ózі de qudyqtan shyǵa almaı, kóz jumdy.