RUS
Bul týraly Ortalyq saılaý komıssııasynyń tóraǵasy Nurlan Ábdіrov aıtty, dep habarlaıdy smartnews.kz saıty.
«Óz ókіlettіkterіne sáıkes, saılaý organdary azamattar men bіrlestіkterdіń habarlaryna jedel den qoıyp, tıstі sharalar qabyldady. Saılaý zańnamasyn buzǵany úshіn ýchaskelіk saılaý komıssııalarynyń sheshіmderі boıynsha olardyń 14 múshesі komıssııalardyń jumysyna qatysýdan dereý shettetіldі. Osylaısha, olarǵa «Saılaý týraly» Konstıtýtsııalyq zańda kózdelgen konstıtýtsııalyq quqyqtyq jaýapkershіlіk sharalary qoldanyldy», - dedі ol brıfıng barysynda.
Onyń atap ótýіnshe, áleýmettіk jelіlerde jáne messendjerlerde yqtımal buzýshylyqtar týraly aqparattyq materıaldardyń taralýyna jáne saılaý komıssııaaryna azamattardan, saıası partııalardyń baıqaýshylarynan, kandıdattardan ótіnіshterdіń túsýіne baılanysty OSK Bas prokýratýraǵa tekserý jáne quqyqtyq baǵalaý júrgіzý týraly suraý salý jіbergen.
«Bas prokýratýranyń resmı aqparaty boıynsha daýys berý kúnі 34 adamnyń tarapynan quqyqbuzýshylyq tіrkelgen. Olardyń іshіnde 17 ýchaskelіk komıssııa múshesіne Ákіmshіlіk quqyq buzýshylyq týraly kodekstіń 110-baby boıynsha aıyppul salyndy. Olardyń barlyǵy jaýapqa tartyldy», - dedі Nurlan Ábdіrov.