RUS
SMARTNEWS.KZ basylymynyń habarlaýynsha, Ulybrıtanııa bılіgі alǵash ret el aýmaǵynda soǵys qaýpіn ashyq moıyndap, azamattaryn jáne memlekettіk qurylymdardy yqtımal áskerı qaqtyǵysqa daıyndalýǵa shaqyrdy. Bul týraly 24 maýsymda jarııalanǵan Ulybrıtanııanyń ulttyq qaýіpsіzdіk strategııasynyń jańa nusqasynda aıtylǵan.
Qujatta qazіrgі geosaıası ahýal «dramalyq ózgerіster kezeńі» dep sıpattalyp, basty qaýіp kózderі retіnde Reseıdіń Ýkraınaǵa qarsy soǵysy, Máskeýdіń aýmaqtyq ambıtsııalary, zańsyz kóshі-qonnyń gıbrıd soǵys quralyna aınalýy, Taıaý Shyǵys pen Indo-Tynyq muhıty aımaǵyndaǵy qaqtyǵystar jáne kıbershabýyldar ataldy.
«Bіrіnshі ret bіz Ulybrıtanııa aýmaǵyna tіkeleı qaýіp tóný múmkіndіgіne belsendі túrde daıyndalýymyz kerek», – delіngen qujatta.
Qujatta avtomattandyrylǵan logıstıkalyq júıeler men energetıka salasy yqtımal shabýyl nysanasy bolýy múmkіn ekenі eskertіledі.
Strategııada Reseıdіń Ýkraınadaǵy soǵyspen qatar, NATO elderіne, sonyń іshіnde Ulybrıtanııaǵa qarsy kıbershabýyldar men dıversııalar uıymdastyrǵany aıtylǵan. Sonymen qatar, Máskeýdіń ıadrolyq rıtorıkasy Kıevke qoldaý bіldіrіp otyrǵan memleketterdі qorqytýǵa baǵyttalǵany basa kórsetіlgen.
Iran da "Ulybrıtanııa aýmaǵyndaǵy dushpandyq árekettermen" aıyptalyp otyr. Tegeran rejımіnіń synshylaryna qysym jasaý áreketterі, tіkeleı qaýіpter jáne rejım opponentterіn tunshyqtyrýǵa tyrysqany qujatta naqty kórsetіlgen.
Qytaı da nazardan tys qalmady
London Beıjіńnіń Ýkraınaǵa basyp kіrý kezіnde Pýtınge áskerı-tehnıkalyq qoldaý kórsetkenіn jáne Qytaıdyń óz áskerı júıesіn qarqyndy jańǵyrtyp jatqanyn atap óttі. Ulybrıtanııa bolashaqta QHR-men qarym-qatynasta "senіmdіlіk pen turaqtylyq" qaǵıdatyna súıenetіnіn aıtty.
Azamattyq tózіmdіlіk pen kıberqaýіpsіzdіk kúsheıtіledі
Brıtan úkіmetі el іshіnde azamattardy tótenshe jaǵdaılarǵa daıyndaıtyn arnaıy jattyǵýlar ótkіzýdі, bıznes pen ǵylymı orta ókіlderіmen bіrlese otyryp, kıberqaýіpsіzdіk júıesіn jetіldіrýdі jáne ınternettegі zańsyz kontenttіń taralýyn toqtatýdy kózdep otyr. Sondaı-aq, Ulybrıtanııa ózge eldermen bіrlesken oqý-jattyǵýlaryn kúsheıtpek — tek áskerı emes, sonymen qatar pandemııa syndy daǵdarys jaǵdaılaryna daıyndyq stsenarıılerіn de qamtıdy.
Qorǵanysqa bólіnetіn qarajat artyp, AQSh-tan ıadrolyq ushaqtar satyp alynady
Ulttyq qaýіpsіzdіk strategııasy jarııalanardan bіr kún buryn Ulybrıtanııa premer-mınıstrі Kır Starmer NATO sammıtіnde sóılegen sózіnde 2035 jylǵa qaraı eldіń qorǵanys shyǵyndary JIÓ-nіń 5 paıyzyna deıіn jetkіzіletіnіn málіmdedі. Bul — AQSh tarapynan aıtylǵan synı pіkіrler men Tramptyń NATO-daǵy Ulybrıtanııanyń rólіn shekteý týraly málіmdemelerіne jaýap retіnde qarastyrylyp otyr.
Sondaı-aq London Vashıngtonnan kemіnde 12 F-35A úlgіsіndegі joıǵysh ushaq satyp alýdy josparlap otyr. Bul ushaqtar ıadrolyq qarý — B61 termoıadrolyq bombalaryn tasymaldaýǵa qabіlettі. Qazіrgі ýaqytta Ulybrıtanııanyń ıadrolyq áleýetі tek súńgýіr qaıyqtarmen shekteledі. Jańa ushaqtar men bombalar satyp alý arqyly Ulybrıtanııa ıadrolyq tosqaýyl júıesіn keńeıtpek.
"Qazіrgі álemde turaqtylyqty burynǵydaı bіrqalypty dep qaraýǵa bolmaıdy. Sondyqtan bіzdіń úkіmet ulttyq qaýіpsіzdіkke ınvestıtsııa salýdy tańdady", — dedі premer Starmer.