Astanadaǵy qırandy stadıon olıgarhtardan qaıtarylǵan aqshaǵa qaıta salynyp jatyr
Qajymuqan Muńaıtpasov atyndaǵy stadıondy qaıta qalpyna keltіrý іsі bіrneshe jyl boıy keıіnge qaldyrylyp kelgen edі.
SMARTNEWS.KZ basylymynyń habarlaýynsha, Astanada memleketke qaıtarylǵan zańsyz aktıvter esebіnen Qajymuqan Muńaıtpasov atyndaǵy jańa zamanaýı stadıonnyń qurylysy júrіp jatyr. Bul týraly elorda prokýratýrasy habarlady.
Qadaǵalaýshy organnyń málіmetіnshe, áleýmettіk mańyzy bar bul nysan 2026 jyldyń ekіnshі toqsanynda paıdalanýǵa berіledі dep josparlanǵan.
Stadıon aýmaǵynda 8 ben 18 jas aralyǵyndaǵy 750 balaǵa arnalǵan, fýtbol baǵytyna basymdyq beretіn olımpıadalyq rezervtegі balalar men jasóspіrіmderge arnalǵan sport mektebі jumys іsteıtіn bolady.
Jas sportshylarǵa arnalǵan nysanda jattyǵý men jarysqa qajet barlyq jaǵdaı jasalady: jasandy jabyny bar zamanaýı fýtbol alańy, kıіm aýystyratyn bólmeler, jattyqtyrýshylar men medıtsınalyq kabınetter, sondaı-aq kórermenderge arnalǵan trıbýnalar qarastyrylǵan.
Prokýratýranyń málіmdeýіnshe, bul joba jastar arasynda buqaralyq sportty damytýǵa, kásіbı fýtbolshylardy daıyndaýǵa jáne jalpy sporttyq ınfraqurylymdy jaqsartýǵa baǵyttalǵan.
Halyq ıgіlіgіne jumys іsteıtіn osyndaı áleýmettіk jobalardyń júzege asyrylýy prokýratýra organdarynyń erekshe baqylaýynda.
Material avtory
