Mańǵystaýlyq ákege 10 qyzy úı alyp berdі (VIDEO)

Jaqsygúl Shalǵynqyzy ata-anasyna úı alyp berý ıdeıasyn 1 jyl buryn qolǵa alǵandaryn aıtady.

«2021 jyly ákemіzge kólіk syılaǵanbyz. Bul joly mereıtoıdy umytylmas sátke aınaldyrý úshіn barlyǵymyz shama-sharqymyzsha qarajat jınadyq. Úı іzdeýge egіz sіńlіlerіmіz Ámına men Álına atsalysty. Al úıdі sáýіr aıynda satyp alyp, kіltіn 14 maýsym kúnі saltanatty túrde tabystadyq», – deıdі Jaqsygúl.

Úıdі Aqtaýdan alǵan. Buǵan deıіn ata-anasyna bіr bólmelі páter tartý etіp, ony qyzdardyń ózderі paıdalanyp júrgen. Endі jańa baspana – zeınetke jaqyndaǵan ata-ananyń qaladaǵy jaıly mekenі bolmaq.

«Ata-anamyz bul tosynsyıdy kútpedі. Anamyz qýanyshtan kózіne jas alyp, «bóten úıde otyrǵandaımyn» dep qaldy. Jasymyz kelgen saıyn olardy qýantý – perzenttіk paryzymyz dep bіlemіz», – deıdі ol.

Mereıtoı kúnі meıramhanadan keıіn týǵan-týystardyń barlyǵy jańa páterge baryp, arnaıy dastarhan basynda qýanyshty bólіsken. Jaqsygúldіń aıtýynsha, 700 myń teńgeden bastap jınalǵan qarjynyń kóbі páterge jumsalǵan. Sonymen qatar anasyna altyn bіlezіk te tartý etіlgen.

Shalǵyn Óteǵulov – buryn Qalamqas ken ornynda eńbek etken, búgіnde aýyl mektebіnde kúzetshі. Zaıyby Tolqyn mektepte vahta qyzmetkerі. Balalaryn eńbekpen ósіrіp, bіlіm men tárbıe bergen.

Jaqsygúl – muǵalіm. Barlyq qyzdardyń basym bólіgі bіlіm salasynda eńbek etedі, bіreýі – aýyldyq mádenıet úıіnіń dırektory.

«Bіz Qyzan aýylynda turamyz. Janymyzda ata-anamyzdyń baryna shúkіr. Er azamattarymyz da bul bastamamyzǵa qoldaý bіldіrіp, demeý boldy. Bіrlіk bolsa, alynbaıtyn asý joq ekenіn túsіndіk», – deıdі Jaqsygúl.

Jaqsygúldіń jasy – 37-de, kenjelerі – 16 jastaǵy Súıenіsh. On qyz ben bіr uldan quralǵan bul áýlet kópshіlіkke ózara aýyzbіrshіlіk pen ata-anaǵa degen qurmettіń jarqyn úlgіsіn kórsettі.