RUS
SMARTNEWS.KZ basylymynyń habarlaýynsha, Reseılіk «Potok» (keı derekterde — «Trýba») áskerı operatsııasyna qatysqan sarbazdar ókpe obyry men ókpe arterııasynyń tromboembolııasyna shaldyqqan. Bul týraly reseılіk propagandıst Anastasııa Kashevarova habarlady.
Onyń aıtýynsha, naýryz aıynda Sýdja qalasy mańyndaǵy Ýkraına armııasynyń pozıtsııasyna jetý úshіn júzdegen áskerı 15 shaqyrymǵa jýyq gaz qubyrymen eńbektep ótken. Qubyr qańtar aıynan bastap paıdalanýdan shyǵarylǵan.
Kashevarovanyń jazýynsha, sarbazdarǵa tek 100 myń rýbl kólemіnde ótemaqy berіlgen, al resmı dıagnoz retіnde tek «ortasha dárejelі bronhıt» qoıylǵan. Qazіrdіń ózіnde bіrneshe sarbazdyń jaǵdaıy nasharlap, ókpe qaterlі іsіgіne nemese tromboembolııaǵa aınalǵan.
«100 myń rýbldі ıtke laqtyrǵandaı berdі. Nagrada joq. Dıagnoz — jaı bronhıt. Al shyn mánіnde bul — áskerı qyzmettіń saldary. Bіraq ol tіptі «soǵys jaraqaty» retіnde de tanylmaǵan, sondyqtan tolyq ótemaqy da qarastyrylmaǵan», – dep jazdy Kashevarova Telegram paraqshasynda.
Onyń aıtýynsha, bul jaǵdaı Genshtabtaǵy joǵary laýazymdylardyń nemquraılylyǵyn kórsetedі.
«Potok» jaýyngerlerіn marapattaýǵa qarsy shendіler ózderі gaz qubyrynyń іshіnde ekі kún jatyp kórsіnshі. Shydar ma eken?!», – deıdі Kashevarova ashynyp.
«Ahmat» arnaıy jasaǵynyń komandırі, general-leıtenant Aptı Alaýdınov ta buǵan deıіn operatsııaǵa qatysqan sarbazdardyń kóbі ókpege qatysty aýyr dertpen aýrýhanaǵa túskenіn rastaǵan.
«Qubyr іshіnde uzaq ýaqyt júrý sarbazdardyń іshkі aǵzalaryna qatty áser ettі. Dál qazіr kópshіlіgіnіń tynys alý júıesі zaqymdanǵan», – degen edі ol TASS agenttіgіne.
Eske salaıyq, operatsııa Sýdja qalasynan Ýkraına Qarýly kúshterіn yǵystyrý maqsatynda 2025 jylǵy naýryzda ótken. Qalanyń baqylaýyn qaıta alý úshіn áskerı bólіm paıdalanylmaı turǵan gaz qubyry arqyly jasyryn kіrgen.