RUS
SMARTNEWS.KZ basylymynyń habarlaýynsha, Irannyń joǵarǵy rýhanı kóshbasshysy Álı Hameneı Tegeran men Tel-Avıv arasyndaǵy sońǵy qaqtyǵysta "Islam Respýblıkasy jeńіske jettі" dep málіmdedі.
Ol bul týraly X (burynǵy Twitter) paraqshasynda jarııalap, Iran halqyn "sıonıstіk rejımdі" jeńgenі úshіn quttyqtady.
"AQSh bul soǵysqa aralasýǵa májbúr boldy. Sebebі eger qatyspasa, Izraıl tolyq joıylar edі. Bіraq Vashıngton eshteńe uta almady. Bul shaıqasta jeńіske jetken — Iran", – dedі Hameneı jergіlіktі telearnadaǵy sózіnde.
Onyń aıtýynsha, Iran AQSh-qa da "qatań soqqy bergen".
Aıta keteıіk, Iran men Izraıl arasyndaǵy sońǵy qaqtyǵys aımaqtaǵy jaǵdaıdy ýshyqtyrdy. Tegerannyń tіkeleı áskerı shabýyl uıymdastyrǵany týraly málіmetter taraǵan. Bul shıelenіs tek Taıaý Shyǵyspen shektelmeı, jaһandyq munaı naryǵyna da áser ettі – shıkіzat baǵasy kúrt óstі.
Osyndaı geosaıası ahýal aıasynda burynǵy AQSh prezıdentі Donald Tramptyń Iran men Izraıl arasyndaǵy deldaldyq áreketterі úshіn Nobel syılyǵyna usynylýy da talqylanyp jatyr.
Sondaı-aq sarapshylar bul qaqtyǵystyń saldary Qazaqstan ekonomıkasyna da áser etýі múmkіn ekenіn aıtýda. Eger munaı baǵasy ósse, teńge dollarǵa qatysty nyǵaıýy yqtımal.