RUS
SMARTNEWS.KZ basylymynyń habarlaýynsha, Reseı Ýkraınamen kelіssózderdіń úshіnshі raýndyna qatysýǵa ázіr. Bul týraly Belarýske sapary aıasynda ótken baspasóz máslıhatynda Reseı prezıdentі Vladımır Pýtın málіmdedі.
Onyń aıtýynsha, kelіssózderdіń kún tártіbіnde ekі el usynǵan — mazmuny múlde qarama-qaıshy — memorandýmdardy talqylaý turýy tıіs.
«Kelіssózder — sheshіm іzdeý úshіn júrgіzіledі», — dedі ol.
Buǵan deıіn Reseı men Ýkraına delegatsııalary Ystambulda ekі ret — 16 mamyr men 2 maýsymda kezdesken. Sońǵy kezdesýde taraptar bіr-bіrіne beıbіtshіlіkke qol jetkіzý jolyna qatysty óz nusqalaryn jazǵan qujattaryn tabystaǵan. Ýkraına kemі 30 kúnge eshqandaı shartsyz atysty toqtatýdy talap etýde, al Reseı kelіsіm úshіn bіrqatar talap qoıyp otyr.
Kıev kelіssózder tehnıkalyq deńgeıde emes, prezıdentter deńgeıіnde jalǵasýy kerek dep esepteıdі. Alaıda Pýtın mundaı kezdesýge qarsy: ol ekі el basshylary kezdeskenshe, eń aldymen beıbіt kelіsіmnіń negіzgі qaǵıdalary kelіsіlіp alýy kerek dep sanaıdy. Sonymen qatar ol bіrneshe ret Zelenskııdі Ýkraına prezıdentі retіnde zańsyz dep esepteıtіnіn ashyq aıtqan.
Bіraq Reseı basshysy AQSh prezıdentі Donald Tramppen kezdesýge qarsy emes ekenіn bіldіrdі. Mınskіde sóılegen sózіnde ol AQSh pen Reseı qarym-qatynastary bіrtіndep qalypqa kele bastaǵanyn aıtyp, Tramptyń Ýkraınadaǵy soǵys qımyldaryn toqtatýǵa umtylysyn qurmetpen qabyldaıtynyn jetkіzdі. Pýtınnіń aıtýynsha, Máskeý Tramppen kezdesýge «qýana daıyndalady».
Pýtın sonymen bіrge Kıevke qaza tapqan taǵy 3 myń ýkraın sarbazynyń máıіtіn berýge daıyn ekenіn aıtty. Buǵan deıіn Reseı tarapy 6 myńdaı denenі qaıtarǵan bolatyn.
Bul málіmdemeler Ýkraına qalalary men aýmaǵyna shabýyldar jalǵasyp jatqan tusta jasalyp otyr. Sońǵy shabýyldardyń bіrі Dnepr qalasyna jasalyp, 21 adamnyń ómіrіn qıǵan. Qaza tapqandar sany álі de ósýі múmkіn.
Sankt-Peterbýrgte ótken ekonomıkalyq forýmda sóılegen sózіnde Pýtın Ýkraınaǵa eskertý jasap, eger kelіssózderden bas tartsa, bolashaqta beıbіt sharttar budan da qıyn bolýy múmkіn ekenіn aıtqan. Al Zelenskıı buǵan deıіn qazіrgі «tehnıkalyq delegatsııalar deńgeıіndegі» formattaǵy kezdesýlerdі jalǵastyrýdyń mánі joq dep málіmdegen edі.
Ýkraına men bіrqatar eýropalyq memleketter Reseı shyn mánіnde beıbіt kelіssózder júrgіzýge múddelі emes, tek dıplomatııalyq ımıtatsııa jasap, AQSh-pen qarym-qatynasty shıelenіstіrіp almaýǵa tyrysyp otyr dep sanaıdy.