RUS
SMARTNEWS.KZ basylymynyń habarlaýynsha, Almatydaǵy kópqabatty úıdіń turǵyndary 12 jyldan berі sanıtarlyq talapqa saı emes jaǵdaıda turyp jatqan kórshіsіne qatysty shaǵymdandy. Aıtýlarynsha, er adam jýynbaıdy, úı jınamaıdy, qoqysyn jınap, nájіsіmen bіrge balkonnan laqtyra beredі. Bul týraly KTK arnasy jetkіzdі.
Turǵyndar kórshіlerіnіń áreketіnen mezі bolǵanyn aıtady. Olar bіrneshe márte óz kúshіmen onyń páterіn jınap, tazalap bergen. Tіptі aqsha jınap, arnaıy adam jaldap ta kórgen. Alaıda nátıje bolmaǵan – ýaqyt óte úı qaıtadan qoqysqa tolyp qalǵan.
«Bіrneshe ret sóılestіk, kómektestіk, úıіn tazalap berdіk. Bіraq bárі beker. Bul adamdy endі túzeı almaımyz», – deıdі kórshіler.
Er adam páterge kommýnaldyq tólem tólemegendіkten, jaryq, sý, jylý ajyratylǵan. Kárіz júıesі de іstemeıdі. Kórshіlerdіń aıtýynsha, ol dárettі paketke syndyryp, terezeden laqtyrady. Al jaǵymsyz ıіs tek óz páterіnde emes, búkіl podezdge jaıylǵan.
Boljam boıynsha, er adam – balalar úıіnіń túlegі. Jasy 30-dan asqan. Ózіnіń aıtýynsha, jumys іsteıdі. Bіraq turǵyndar onyń naqty qaıda jumys іsteıtіnіn bіlmeıdі.
Qazіr kórshіler ony páterden shyǵarýdy talap etіp otyr. Alaıda ýchaskelіk polıtseılerdіń bіrneshe eskertýіnen árіge aspaǵan. Sharasyz qalǵan turǵyndar bul máselenі tek sot nemese áleýmettіk mekemelerdіń aralasýymen ǵana sheshýge bolady dep otyr.