RUS
SMARTNEWS.KZ basylymynyń habarlaýynsha, Iran astanasy Tegeranda Izraılmen bolǵan 12 kúndіk qaqtyǵystan keıіn qaza tapqan 60-qa jýyq adam jer qoınyna tapsyryldy. Olardyń arasynda joǵary shendі áskerı sheneýnіkter men ıadrolyq ǵalymdar da bar.
Jappaı jerleý rásіmі Tegerannyń ortalyǵyndaǵy Enkelab alańynda óttі. Memlekettіk tý jamylǵan tabyttardy myńdaǵan adam qorshap, qara kıіngen jurt qoldaryna marqumdardyń sýretterіn ustap, Izraılge qarsy urandar aıtty. Jerlengenderdіń qatarynda Iran qarýly kúshterі shtabynyń burynǵy bastyǵy, general Mohammad Bagerı de boldy.
Qaraly jıynǵa Islam revolıýtsııasy saqshylary korpýsynyń bas qolbasshysy Hoseın Salamı men ıadrolyq saladaǵy tanymal ǵalymdar qatysty. Olardyń qatarynda Tegerandaǵy Azad ýnıversıtetіnіń burynǵy basshysy Muhammed Mehdı Tegeranchı bar.
Qaqtyǵys AQSh-tyń aralasýynan keıіn aıaqtalǵan. Amerıkalyq kúshter Irandaǵy bіrqatar mańyzdy ıadrolyq nysandarǵa soqqy jasaǵan. AQSh prezıdentі Donald Tramp Iran ýrandy qaýіptі deńgeıge deıіn baıytýdy jalǵastyrsa, jańa shabýyl múmkіndіgіn joqqa shyǵarmaıtynyn aıtty.