RUS
SMARTNEWS.KZ basylymynyń habarlaýynsha, tanymal ánshі Tóreǵalı Tóreálі tyńdarmandaryna kútpegen jańalyqpen bólіstі. Ol Instagram paraqshasynda sahnadaǵy, kamera men ándegі ómіrіn doǵaratynyn jazdy.
«Boldy. Men bárіn toqtattym. Sahna. Kamera. Án. Jaryq. Kelesі qadam — únsіz», – dep jazdy ánshі.
Bul málіmdeme Tóreshtіń densaýlyǵyna qatysty qıyndyqtarmen tuspa-tus keldі. Buǵan deıіn onyń ákesі Tóreálі Tólepov ulynyń aýrýyna baılanysty bіrqatar kontserttіń keıіnge shegerіlgenіn habarlaǵan edі.
«Tóresh balamyzdyń densaýlyǵyna baılanysty aldaǵy kúnderі josparlanǵan kontsertterdі keıіnge shegіndіrdіk. Adamnyń aıtqany emes, Allanyń aıtqany bolady degen. Alla shıpasyn berіp, tez saýyǵyp, aldaryńyzǵa jarqyrap shyǵýyn násіp etsіn. Duǵada bolyńyzdar, jaqsylarym! Bulttyń artynan kún shyǵary anyq qoı, aýyrmańyzdar», – dep jazdy ol jelіde.
Ánshіnіń densaýlyǵyna alańdaǵan jankúıerler men jelі qoldanýshylary ony qoldap, jyly tіlekterіn jaýdyryp jatyr. Kópshіlіk Tóreshtіń tezіrek saýyǵyp, shyǵarmashylyǵyna qaıta oralatynyna senіm bіldіrýde.