Ýkraına jaıaý áskerge qarsy mınalardy tyıym salatyn kelіsіmnen shyqty
Zelenskıı mınalardy qorǵanys quraly dep atady.
SMARTNEWS.KZ basylymynyń habarlaýynsha, Ýkraına prezıdentі Vladımır Zelenskıı eldіń jaıaý áskerge qarsy mınalardy qoldanýǵa, óndіrýge jáne jınaqtaýǵa tyıym salatyn Ottava konventsııasynan shyǵatynyn málіmdedі. Bul qadam Reseımen soǵys jaǵdaıynda jasalǵan jáne kórshі elder – Fınlıandııa, Polsha, Latvııa, Lıtva jáne Estonııa qabyldaǵan uqsas sheshіmderdіń jalǵasy retіnde baǵalanyp otyr.
«Jaıaý áskerge qarsy mınalar – qorǵanys úshіn keıde balamasyz qural. Reseı bul kelіsіmge eshqashan qosylǵan joq jáne olardy óte tsınıchtі túrde paıdalanyp otyr», – dedі Zelenskıı.
Ottava konventsııasy degen ne?
1997 jyly qabyldanǵan bul halyqaralyq qujatta jaıaý áskerge qarsy mınalardy óndіrýge, qoldanýǵa, saqtaýǵa jáne taratýǵa tolyq tyıym salynady. Qujatqa 160-tan asa el qosylǵan. Negіzgі maqsaty – soǵystan keıіngі kezeńde beıbіt turǵyndardy mınalardan qorǵaý.
Ýkraınanyń ne úshіn shyqqany túsіndіrіldі
Zelenskıı bul saıası qadamnyń negіzgі maqsaty – eldіń qorǵanysyn kúsheıtý jáne Reseı shekarasy boıyndaǵy eldermen árekettі úılestіrý ekenіn atap óttі. Bul sheshіmdі endі Ýkraına parlamentі de bekіtýі kerek.
Euronews deregіnshe, Ýkraına – álemdegі eń kóp mınalanǵan el. Tolyq tazalaý jumystaryna 30 jylǵa deıіn ýaqyt qajet bolýy múmkіn. 2022 jyldan berі Ýkraına qarýly kúshterі azat etken aımaqtarda mınalar óte kóp.
Material avtory
