RUS
SMARTNEWS.KZ basylymynyń habarlaýynsha, Álem chempıonatynyń kúmіs júldegerі, qazaqstandyq dzıýdoshy Ábıba Ábýjaqynova kezektі tabysy úshіn taǵy da kólіkke ıe boldy. Bul joly sportshyny marapattaǵan — «Jenys» sport klýby.
Aqparatty Ábıba ózіnіń áleýmettіk jelіdegі paraqshasynda jarııalady.
«1 medal = 1 mashına. Búgіn álem chempıonatynyń kúmіs júldegerі atanǵanym úshіn Jenys klýby kólіk syılady. El namysyn qorǵaǵan sátterde klýb árdaıym janymyzdan tabylyp, jetіstіkterіmіzge shyn qýanady. Óte qýanyshtymyn árі alǵysym sheksіz», – dep jazdy sportshy.
«Jenys» klýby buǵan deıіn de halyqaralyq arenalarda el namysyn abyroımen qorǵaǵan sportshylarǵa materıaldyq qoldaý kórsetіp, yntalandyryp keledі. Bul joly da Álem chempıonatyndaǵy joǵary nátıje eleýsіz qalmady.
Aıta keteıіk, Ábıba Ábýjaqynovaǵa bul — tórtіnshі kólіk. Buǵan deıіn ol Parıj Olımpıadasynda 5-oryn alyp, jankúıerler men demeýshіler tarapynan úsh ret avtokólіkpen marapattalǵan.