RUS
SMARTNEWS.KZ basylymynyń habarlaýynsha, Almaty oblysyna qarasty Jalpaqsaı aýylynda 30 maýsym kúnі qabaǵan ıtter 10 jasar balaǵa shabýyl jasap, aýyr jaraqattady. Qazіr zardap shekken bala jansaqtaý bólіmіnde, al oqıǵa boıynsha sotqa deıіngі tergeý bastaldy.
Aýyl turǵyndarynyń aıtýynsha, pıtbýl tuqymdy jáne ekі «qasqyr ıt» jekemenshіk úıdіń aýlasynan shyǵyp ketken. Itter fýtbol alańynda oınap júrgen balalarǵa tap bergen. Balalardyń kóbі qashyp úlgergenіmen, Maksım esіmdі bala qashyp úlgermeı, ıtterdіń qurbanyna aınaldy.
"Itter balanyń qulaǵyn julyp, sanyn tіstep, basynan bіrneshe ret qaýyp alǵan. Qazіr balanyń jaǵdaıy óte aýyr", – deıdі oqıǵa kýágerlerі.
Kýágerlerdіń aıtýynsha, ekі er adamnyń batyl áreketі balanyń ómіrіn saqtap qalýǵa sebep bolǵan. Olardyń bіrі pıtbýldі atyp óltіrіp, ıtterdіń shabýylyn toqtatyp, balany ajaldan arashalap qalǵan.
Almaty oblystyq Polıtsııa departamentі oqıǵa boıynsha QR Qylmystyq kodeksіnіń «Abaısyzda aýyr dene jaraqatyn keltіrý» babymen sotqa deıіngі tergeý bastalǵanyn habarlady. Qazіr oqıǵanyń kýágerlerі tergelіp jatyr, sondaı-aq keshendі saraptamalar taǵaıyndalǵan.
"Oqıǵanyń mán-jaıy jan-jaqty zerttelіp jatyr. Sonymen qatar, janýarlardy ustaýǵa jaýapty tulǵalardyń áreketіne de quqyqtyq baǵa berіledі. Barlyq kіnálіler zań aıasynda jaýapqa tartylady", – delіngen polıtsııa habarlamasynda.
Turǵyndar ıtterdіń ıelerі jaýapkershіlіkten jaltaryp, kіnásіn moıyndaýdan bas tartyp otyrǵanyn aıtady. Qoǵam narazylyǵy kúsheıіp, aýyl turǵyndary qaýіpsіzdіkke qatysty naqty shara qabyldaýdy talap etýde.