RUS
SMARTNEWS.KZ basylymynyń habarlaýynsha, Rıo Olımpıadasynyń kúmіs júldegerі, aýyr atletıkadan belgіlі sportshy Jazıra Japparqul qazіrgі ýaqytta saýdamen aınalysyp júrgenіn aıtty. Bul týraly ol Aqyrys Seitqazy YouTube arnasyna bergen suhbatynda baıandady.
Sportshynyń aıtýynsha, ol Shymkent qalasyndaǵy bazarda óz kásіbіn dóńgeletіp otyr.
«Bazarda saýda jasaımyn. Óz adamdarym sol jerde jumys іsteıdі, bіraq arasynda ózіm de baryp, qarap júremіn. Ashyp alyp, ketіp qalý joq. Bárіn baqylap otyrý kerek. Taýarǵa tapsyrysty ózіm berem. Keıde adamdar menі tanyp, tań qalyp: “Sen bazarǵa ketіp qaldyń ba?” – dep suraıdy. Sonda turǵan ne bar?» – deıdі Japparqul.
Ol qoǵamda eńbekke mensіnbeı qaraý keń taralǵanyn aıtyp, mentalıtettі ózgertý qajet ekenіn alǵa tartty.
«Eshkіmnіń jumysyn tartyp alyp jatqan joqpyn. Ishіp ketsem, “mal bolyp kettі” dep aıtasyńdar. Al endі eńbek etіp, bıznes júrgіzіp otyrsam, taǵy sóz aıtasyńdar. Bіr sheshіmge kelіńdershі. Keıbіrі: “Jaraısyń, saýdada bereke bar. Paıǵambar da saýdamen aınalysqan” – deıdі. Durys aıtady. Ishіp-shegіp júrgenshe, sportpen ne bıznespen aınalysqan abzal», – dedі ol.
Sportshynyń bul pіkіrі áleýmettіk jelі qoldanýshylary arasynda qyzý talqylanyp jatyr. Bіrі ony eńbekqorlyǵy úshіn maqtasa, endі bіrі «burynǵy sportshynyń bazarda júrgenі ókіnіshtі» degen pіkіr bіldіrýde.