RUS
SMARTNEWS.KZ basylymynyń habarlaýynsha, Aqtóbede ekі aılyq qyz balanyń ólіmіne sebepker bolǵan 37 jastaǵy áıelge sot úkіmі shyqty. Sot otyrysynda ol óz kіnásіn moıyndap, balasyna nemquraıly qaraǵanyn rastady.
Oqıǵa ótken jyldyń qarasha aıynda bastalǵan. Júktі Karına (shyn esіmі — Tamara) Aqtóbedegі dámhanalardyń bіrіnde Aınur esіmdі áıelmen tanysyp, baspanasyz júrgenіn aıtqan. Aınur ony aıap, ózі jumys іsteıtіn «Abdýllah» sharýa qojalyǵyna ertіp ákeledі.
Bіrneshe kúnnen keıіn Karına shóp tasý kezіnde bosanyp qalady. Janynda bolǵan kórshіsі Bıbіgúldіń kómegіmen qyz bala dúnıege kelgen. Alaıda qujattarynyń bolmaýyna baılanysty jedel járdem shaqyrylmaıdy, al jańa týǵan náreste eshbіr resmı tіrkeýden ótpeıdі — týý týraly kýálіk jasalmaıdy, medıtsınalyq tekserý de júrgіzіlmeıdі, ekpe de salynbaıdy.
Ekі aı ótken soń sábı shetіnep ketken. Balanyń ólіmі týraly alǵashqy bolyp Bıbіgúlge Aınur habarlaıdy. Keıіn bul aqparat aýyl ımamy men ákіmіnіń aralasýymen quqyq qorǵaý organdaryna jetken.
Sot-medıtsınalyq saraptama balanyń ekі jaqty pnevmonııa, bronhıt jáne aýyr angına saldarynan jedel tynys jetіspeýshіlіgіnen kóz jumǵanyn kórsettі. Dárіgerler eger bala der kezіnde emdelse, aman alyp qalýǵa bolar edі dep málіmdedі.
Sot Karınany (Tamarany) Qylmystyq kodekstіń 119-baby ("Kómeksіz qaldyrý") boıynsha kіnálі dep tanyp, 1 jylǵa bas bostandyǵynan aıyrý týraly úkіm shyǵardy.