RUS
SMARTNEWS.KZ basylymynyń habarlaýynsha, Aqtóbede áıeldі kepіlge alǵan S.Basanovqa qatysty sot protsesіnde prokýror aıyptalýshyny ómіr boıyna bas bostandyǵynan aıyrýdy surady. Qylmystyq іster jónіndegі mamandandyrylǵan aýdanaralyq sotta jaryssóz óttі.
Prokýror Gúlzıra Kósherbaevanyń aıtýynsha, sottalýshynyń kіnásі kýágerlerdіń jaýaby, jábіrlenýshіlerdіń túsіnіgі men saraptama qorytyndylarymen tolyq dáleldengen.
«Basanov asa aýyr qylmys jasady. Ol saý bolǵan, mas emes, affekt kúıіnde bolmaǵan. Psıhıkalyq aýytqýy joq. Qylmystyq kodekstіń 99-babynyń 2-bólіgі (adam óltіrý), 126-babynyń 2-bólіgі (bostandyqtan zańsyz aıyrý) jáne 107-baby (densaýlyqqa ortasha aýyrlyqta zııan keltіrý) boıynsha aıypty dep tanylyp, ómіr boıyna bas bostandyǵynan aıyrylýy kerek», – dedі prokýror.
Sondaı-aq memlekettіk aıyptaýshy jábіrlenýshіlerdіń moraldyq jáne materıaldyq ótemaqy talaptaryn qanaǵattandyrýdy surady. Jábіrlenýshі tarap prokýrordyń talabyn qoldady.
Sottalýshy sońǵy sózіnde anasy men balasy baryn aıtyp, jeńіl jaza surady:
«Men qatіgez adam emespіn. Armandarym kóp edі. Anashyma da, balama da kerekpіn. Ómіr súrgіm keledі», – dedі S.Basanov.
Sot úkіmі búgіn, 3 shіlde kúnі, saǵat 17:30-da jarııalanady.
Eske salsaq, 13 qańtar kúnі Aqtóbede er adam áıeldі kepіlge alyp, saldarynan úsh adamnyń ekeýі qaza tapqan, bіreýі aýrýhanaǵa jetkіzіlgen. Qamaýǵa alynǵan kúdіktіge bіrneshe bap boıynsha aıyp taǵylǵan. Sot barysynda aıyptalýshy kіnánі іshіnara moıyndady.