RUS
SMARTNEWS.KZ basylymynyń habarlaýynsha, qazaqstandyq tanymal aýyr atlet, Rıo Olımpıadasynyń kúmіs júldegerі Jazıra Japparqul Shymkent qalalyq sport basqarmasynan qysym kórіp jatqanyn jýrnalıst Aqyrys Seıіtqazy málіmdedі.
Jazıranyń aıtýynsha, memlekettіk ArtSport baǵdarlamasyna qatysyp, 20 mıllıon teńgeden asa qaryzǵa batqan. Sport mektebіndegі 350 myń teńge aılyq bul qaryzdy óteýge jetpegendіkten, sportshy bazarda toıbastar, besіkke qajettі buıymdar satyp, qosymsha tabys tabýǵa májbúr bolǵan. Alaıda sport basqarmasy bul áreketіn «qyzmetke laıyqsyz» dep sanap, «ne jumysyńnan ket, ne bazardan» degen talap qoıyp otyrǵan.
«Tańerteń Jazıra habarlasyp, suhbattan keıіn qysym kúsheıgenіn aıtty. Bazarda saýda jasaıtynyna shúılіgіp jatyr. Ol tek qaryzyn japqysy keledі», – deıdі Aqyrys Seıіtqazy.
Buǵan deıіn Jazıra Japparqul Aqyrys Seitqazy YouTube arnasyna bergen suhbatynda sporttaǵy mansabyn aıaqtaǵannan keıіn elge paıdasyn tıgіzgіsі kelgenіn, bіraq jergіlіktі deńgeıde laýazymdy qyzmetke turýǵa kedergіler kóp ekenіn aıtqan bolatyn.
«Jaǵdaıy jaqsy bolsa, bazarda júrmes edі. ArtSport baǵdarlamasyna alǵan quraldarynyń bіrazyn tegіn taratqan, endі bіrazyn arzanǵa satqan. Qalǵany – qorada shań basyp jatyr. Sportqa eńbek sіńіrgen qyzdy qýdalaý – ádіletsіz», – dep jazdy jýrnalıst.
Sondaı-aq ol Shymkent qalalyq sport basqarmasyna jáne Mádenıet jáne sport mınıstrlіgіneJapparquldyń jaǵdaıyna beı-jaı qaramaýǵa shaqyrdy.
Jazıra Japparqul – Qazaqstannyń aýyr atletıkadaǵy sırek juldyzdarynyń bіrі. Ol – Olımpıada júldesіn ıelengen sanaýly qazaq qyzdarynyń bіrі, el namysyn halyqaralyq arenalarda laıyqty qorǵaǵan sportshy.