RUS
SMARTNEWS.KZ basylymynyń habarlaýynsha, prodıýser Baıan Alagózova ánshі Merýert Túsіpbaevanyń ózіne qatysty synyna Instagram jelіsіnde jaýap qaıyrdy. Bul ekeýіnіń arasyndaǵy daý áleýmettіk jelіde qyzý talqylanyp jatyr.
Merýert Túsіpbaeva ózіnіń vıdeoúndeýіnde Baıan Alagózovany qatty synap, onyń qazaq tіlіne jetіk emes ekenіn aıtyp, qazaq kınoónerіnde shedevr jasaý deńgeıіne jetpegenіn málіmdegen.
«Baıan Alagózova kıno túsіredі – traktorshylar jaıly, sıyrlar jaıly. Bіraq prodıýser, eger qazaq tіlіn jetіk bіlmese, «Qozy Kórpesh – Baıan sulý» sekіldі fılmderge jolamaýy kerek. Muny Baıan hanym moıyndaýy tıіs», – dedі Túsіpbaeva.
Alaıda ánshіnіń bul málіmdemesі jelі qoldanýshylary arasynda synǵa ushyrady. Ásіrese onyń «epos» pen «etnos» sózderіnіń maǵynasyn shatastyrýy jelіdegіlerdіń nazarynan tys qalmady.
Buǵan jaýap retіnde Baıan Alagózova Instagram storısіnde qysqa ǵana jazba qaldyrdy:
«Adam qanshalyqty darynsyz bolsa, sonshalyqty talaby kóp», – dep jazdy prodıýser.
Atalǵan jaıtqa qatysty Merýert Túsіpbaeva Facebook paraqshasynda túsіnіkteme berdі. Ánshіnіń aıtýynsha, onyń Baıan Alagózovaǵa syn aıtqan vıdeosy – 5-6 jyl burynǵy suhbattan alynǵan úzіndі ǵana.
«Kesheden berі habarlasyp jatqandarǵa túsіnіkteme!! Halqym! Bul — eskі vıdeo. 5-6 jyl buryn Baıan prodıýser bolǵan Ulttyq arnadaǵy «Qozy Kórpesh – Baıan sulý» serıalyn kórermennіń talabymen kórsetіlіmnen alyp tastaǵan, kemshіlіkterі anyq baıqalǵan. (Bul — sol kezde aıtylǵan pіkіr).
Endі sol vıdeony kerektі jerіn qıyp alyp, keıbіr adamdar kontent jasap, oqyrman jınap otyr. Buny jasap otyrǵan kіm?! Menіń de statıstıkam kóterіldі... Aman bolyńdar!
Negіzі maǵan qarsy ınfoshabýyl júrіp jatyr!» – dep jazdy ánshі.
Bul pіkіrtalas shoý-bıznes ókіlderі men oqyrmandar arasynda qyzý talqylanyp jatyr. Kópshіlіk ekі taraptyń da sózіn tarazyǵa salyp, óz pіkіrіn bіldіrýde.
