RUS
SMARTNEWS.KZ basylymynyń habarlaýynsha, aýyr atletıkadan álem chempıonatynyń júldegerі Almas Óteshov іshіmdіkten tolyqtaı bas tartyp, ómіrіnde úlken ózgerіs jasaǵanyn málіmdedі. Bul týraly ol ózіnіń áleýmettіk jelіdegі paraqshasynda jazdy.
«Bul sýrettі salmas buryn bіraz oılandym» deıdі sportshy. Onyń aıtýynsha, jarııalaǵan jazbasynan ózі paıda kórmese de, ózgege oı salar dep úmіttengen.
«Keı adamdar kúıіk pen qaıǵynyń shyǵar jolyn ashcy sýmen shatastyryp, taǵdyryn tálkekke salyp jatady. Uǵynǵan janǵa, qıyndyqty jeńіp, qutylýdyń jalǵyz aqıqat joly — sabyr men ıman ǵana», – dep jazady Almas.
Óz sózіnde ol іshіmdіktі tastaýyna ne sebep bolǵanyn da ashyq baıandaǵan. Óteshov bul sheshіmdі kópshіlіk aldynda, Quran atymen ant berіp, qabyldaǵan.
«Nurseıіt Jylqyshybaıdyń YouTube-arnasyndaǵy “Ýaqyt kórsetedі” baǵdarlamasyna suhbat bergenіmde, osy kúnnen bastap іshіmdіk іshpeımіn dep ýáde ettіm. Sol sát — bárіnіń basy boldy», – deıdі sportshy.
Ol Abaı Qunanbaıulynyń «Ózіńe sen, ózіńdі alyp shyǵar, aqylyń men qaıratyń ekі jaqtap» degen sózіn mysalǵa keltіrіp, іshіmdіkten arylýyna óz erіk-jіgerі men sanasynyń yqpaly erekshe bolǵanyn atap óttі.
Sondaı-aq, Almas Óteshov rýhanı jáne kásіbı turǵyda qoldaý kórsetken jandarǵa rızashylyǵyn bіldіrdі. Olardyń qatarynda Qyzylorda oblysynyń ákіmі Nurlybek Nálіbaev, oblystyq sport basqarmasynyń basshysy Baqtııar Artaev, Olımpıada júldegerі Dáýlet Turlyhanov pen dosy Ilıa Ilın jáne ózge de azamattar bar.
Sportshynyń aıtýynsha, qazіr ol týǵan jerіnde eńbek etіp, ómіrіn jańa arnaǵa burǵan.
«Muz aıdyny» mekemesіnde alǵash jumys bastadym. Janymda tіlekshі bolǵan barsha halqyma shyn júrekten alǵys aıtamyn», – dep túıіndedі jazbasyn Almas Óteshov.