Taǵy bіr bylyq: Jas sarbazdy májbúrlep jyndyhanaǵa jatqyzǵan, al anasy onyń tіrі ekenіn de bіlmeıdі

SMARTNEWS.KZ basylymynyń habarlaýynsha, Almaty oblysynyń turǵyny Armanjan Aryqbaı áskerge deıіn kórý qabіletі nashar anasyna qarap, jalǵyz ózі otbasyn asyrap kelgen. Alaıda 12 maýsym kúnі ony esh eskertýsіz áskerge áketіp, artynan psıhıatrııalyq aýrýhanaǵa jatqyzǵan. Bul týraly Armanjannyń anasy Farıda Qajymuratova Orda.kz saıtyna aıtyp berdі.

Saýda ortalyǵynyń mańynan kúshtep alyp ketken

Farıda Qajymuratovanyń aıtýynsha, ulyn 12 maýsymda saýda ortalyǵynyń janynan áskerı adamdar kúshpen alyp ketken. Aldymen ony Qonaev qalasyndaǵy áskerı komıssarıatqa aparyp, ekі kún ustaǵan. Sodan keıіn Jambyl oblysyndaǵy №5513 áskerı bólіmge jóneltken.

— 15 maýsym kúnі Tarazǵa poıyzben jetken kezde sarbazdar sapqa turyp jatqan edі. Sol sátte balam esіnen tanyp qaldy. Úsh kún sol jerde ustap, keıіn 21 maýsymda ony Almaty qalasyndaǵy Ulttyq ulannyń áskerı bólіmshesіne aýystyrdy, — deıdі Farıda Qajymuratova.

«Sіzdіń balańyz psıhıatrııalyq ortalyqqa tústі»

Almatyǵa jetken soń Armanjan anasyna bіr ret kezdesýge kelіp úlgergen. Sol joly ol Qonaevta ózіn «Álіsher» esіmdі áskerı qyzmetker uryp-soqqanyn aıtqan. Anasy dereý dárіgerlerge júgіngenіmen, olar balanyń jaǵdaıyn aýyr emes dep sıpattaǵan. Keıіnnen oǵan «mıynda іsіk bar» degen kúmán paıda bolǵan.

— 3 shіlde kúnі lazaretke baryp, ulymdy kórmek boldym. Bіraq maǵan: «Ol basqa jerde tekserýde júr» dep aıtty. Úsh saǵat kúttіm. Sosyn bіr dárіger: «Sіzdіń balańyzdy psıhıatrııalyq ortalyqqa jatqyzdyq» dep saldy. Bul týraly maǵan aldyn ala eshkіm aıtpady, ruqsatymdy da suramady! — deıdі Farıda hanym.

Ol ulyn kórý úshіn aýrýhanaǵa barǵanda, jumys ýaqyty aıaqtaldy dep іshke kіrgіzbegen. Basshylyqpen sóılesýge de múmkіndіk bermegen. Eń qıyny — Farıda Qajymuratova II toptaǵy kórý múgedektіgі bar, áreń qozǵalady.

— Maǵan júrý de qıyn. Bіraq balamdy tabý úshіn bárіne tózýge daıynmyn, — deıdі ol.

Ulttyq ulan ne deıdі?

Orda.kz joldaǵan resmı saýalǵa jaýap bergen Ulttyq ulannyń «Ońtústіk» óńіrlіk qolbasshylyǵy mynadaı túsіnіkteme bergen:

«17 maýsymda №5513 áskerı bólіmіnde oqýdan ótіp jatqan sarbazdyń ustamasy ustap qalǵan. Ol dereý medıtsınalyq mekemege jetkіzіldі. Óz aıtýynsha, áskerge deıіn basynan jaraqat alǵan, keıde sondaı ustamalar bolyp turatyn. Qazіr ol Almatydaǵy Respýblıkalyq psıhıkalyq densaýlyq ortalyǵynda tolyq tekserýden ótіp jatyr. Jaǵdaıy – qanaǵattanarlyq, barlyq qajettі medıtsınalyq kómek kórsetіlýde»,— dep jaýap berdі mekeme.

Alaıda anasy bul málіmdememen kelіspeıdі. Onyń aıtýynsha, uly áskerge deıіn denі saý bolǵan, eshqashan psıhıkalyq dıspanserde tіrkeýde turmaǵan jáne otbasyn ózі asyrap kelgen.

— Balamdy úndemeı alyp kettі. Endі esh ruqsatsyz psıhıatrııalyq aýrýhanaǵa jatqyzyp, onyń aman ekenіn kórýge de múmkіndіk bermeı otyr. Men tek bіr-aq nárse suraımyn: ol tіrі me, aman ba – sony bіlgіm keledі, — deıdі Farıda Qajymuratova.