Aqmolada balasynyń ólіmі úshіn ádіldіk talap etken áıeldіń іsі sotqa jettі
Ádіldіk suraǵan ana jalǵan aqparat taratty degen aıypqa ushyrady.
SMARTNEWS.KZ basylymynyń habarlaýynsha, Aqmola oblysynda balasynan aıyrylǵan áıel áleýmettіk jelіde vıdeoúndeý jarııalap, oqıǵaǵa kіnálі adamdy jazalaýdy talap etken. Alaıda keıіn jábіrlenýshі emes, ózі sot aldynda jaýap berýge májbúr boldy.
Oblystyq sottyń málіmetіnshe, áıel balasynyń jol apatynan qaza tabýyna belgіlі bіr azamatty kіnálap, beınejazba arqyly ony jurtqa jarııa etken. Ol óz úndeýіnde tergeýdіń ádіletsіz júrgіzіlіp jatqanyn aıtyp, qylmystyq іstіń bіrneshe ret toqtatylǵanyn jetkіzgen.
«2024 jyldyń jeltoqsanynan 2025 jyldyń maýsymyna deıіn іs úsh ret qozǵalyp, keıіn toqtatylǵan. Áıel ádіldіk іzdep, vıdeoúndeýge júgіngenіn aıtty», — delіngen sot habarlamasynda.
Alaıda atalǵan jazbada jalǵan aqparat taratqany nemese naqty bіr azamattyń ar-namysyna nuqsan keltіrgenі dáleldenbedі.
Sottyń sheshіmі:
Áıeldіń beıneúndeýі ádіl tergeý júrgіzýge úndeý sıpatynda bolǵan;
Jala jabý nemese jalǵan aqparat taratý faktіlerі anyqtalmady;
Quqyq buzýshylyq quramy bolmaǵandyqtan, іs toqtatyldy.
Sot qaýlysy ázіrge zańdy kúshіne engen joq.
Material avtory
