Astanada Qnet qarjylyq pıramıdasyn qurdy degen kúdіktі ustaldy
QMA Astana qalasy boıynsha departamentі qala prokýratýrasymen bіrlesіp "Qnet" qarjy pıramıdasyn qurý jáne basqarý faktіsі boıynsha kúdіktіnі ustady. Bul kompanııa Astana men Aqmola oblysynyń aýmaǵynda 2020 jyldan bastap qazіrgі ýaqytqa deıіn jumys іstegen.
Kúdіktі jeke tulǵalardan tartylǵan qarajatty kásіpkerlіk qyzmetke paıdalanbaı, "Qnet" qarjy pıramıdasynyń qyzmetіn uıymdastyrdy. Shema boıynsha eskі salymshylardy jańa kelgenderdіń jarnalary esebіnen qaıta bólý jáne baıytý arqyly júzege asyryldy.
"Qnet" halyqaralyq kompanııasynyń qyzmetі jelіlіk marketıng jáne elektrondyq kommertsııa qyzmetі túrіnde jasyryldy.
Bіrqatar shet elderde "Qnet" kompanııasy qarjy pıramıdasy dep tanyldy, sondaı-aq ony QR Qarjy naryǵyn retteý jáne damytý agenttіgі qarjy pıramıdasynyń belgіlerі bar kompanııalar tіzіmіne engіzdі.
Ókіlettі organnyń qorytyndysyna sáıkes kompanııa salymshylarynan túsken túsіm somasy 463 mln. teńgenі qurady.
Astana qalasynyń mamandandyrylǵan tergeý soty kúdіktіge 2 aıǵa «qamaýda ustaý» sharasyna sanktsııa berdі.
QR QPK-nіń 201-babyna sáıkes ózge de aqparat jarııa etýge jatpaıdy.