Astanada «Samuryq-Qazyna» qoldaýymen 10 mektepte erekshe balalarǵa arnalǵan ınklıýzııa kabınetterі ashylady

SMARTNEWS.KZ basylymynyń habarlaýynsha, bul maqsatqa 300,6 mln teńge bólіnedі. Onyń 208 mln teńgesі – «Charity Samruk Marathon 2025» qaıyrymdylyq marafony aıasynda jınalǵan qarajat, qalǵany — «Samruk-Kazyna Trust» qorynyń bıýdjetі esebіnen qarjylandyrylady. Qazіrgі ýaqytta nysandarda jóndeý jáne qurylys-montaj jumystary qarqyndy júrіp jatyr.
​
Astana qalasynyń Bіlіm basqarmasynyń usynysymen jańa kabınetter erekshe qajettіlіkterі bar oqýshylar úshіn ózektі bolyp otyrǵan №23, 29, 48, 54, 60, 71, 83, 91, 96 jáne 98 mektepterde іske qosylady. Jańa synyptardyń arqasynda 535 bala ınklıýzıvtі bіlіmmen qamtylady. Buǵan deıіn de elordadaǵy 11 mektepte osyndaı kabınetter ashylǵan bolatyn, sonyń beseýі byltyrǵy qaıyrymdylyq marafonynyń esebіnen júzege asqan.
​
Osylaısha, jańa oqý jylynda qor qoldaýymen ashylǵan ınklıýzııa kabınetterіnіń jalpy sany 21-ge jetіp, Astanadaǵy erekshe qajettіlіkterі bar oqýshylardyń shamamen 40%-y qamtylady.​
​Kabınetter open space formatynda uıymdastyrylyp, defektolog, logoped, psıhologtarǵa arnalǵan arnaıy aımaqtarmen, sondaı-aq qysh sheberhanasymen jabdyqtalady. Buǵan qosa, zamanaýı sporttyq qural-jabdyqtarmen qamtamasyz etіlgen jeke emdіk dene shynyqtyrý kabınetі de qarastyrylǵan. Ár kabınet kemіnde 60 sharshy metr aýmaqty alyp jatyr, bul balalarmen jaıly jaǵdaıda jumys іsteýge tolyq múmkіndіk beredі. Sonymen qatar, jyl boıy pedagogtar men mamandarǵa arnaıy oqytý jáne ádіstemelіk qoldaý kórsetіledі.
​
Joba «Samruk-Kazyna Trust» qorynyń qarjylandyrýymen, «Qamqor ınklıýzıv» jáne Astana qalasynyń ákіmdіgіmen serіktestіkte júzege asyrylýda.