«Kóz tıіp ketpesіn»: Qazaqstanda kórіpkelder men balgerler mıllıarderge aınalyp jatyr
Resmı tіrkelgen ekstrasenster men astrologtar bіr jylda 3 mıllıardqa jýyq tabys tapqan .
SMARTNEWS.KZ basylymy Orda.kz. sіlteme jasaı otyryp habarlaıdy, Qazaqstanda kózben qarap bolashaqty boljaıtyndar men alaqanǵa úńіlіp taǵdyr jazmyshyn oqıtyndardyń «qyzmetі» buryn-sońdy bolmaǵan qarqynmen júrіp jatyr. Balgerler, astrologtar jáne ekstrasenster tek 2024 jyldyń ózіnde 2,9 mıllıard teńgenіń qyzmetіn kórsetken. Bul – tek resmı tіrkelgen sandar.
Mundaı málіmettі Ulttyq statıstıka bıýrosy taratty. Eń qyzyǵy — bul somalar tek zańdy túrde tіrkelgen «basqa da jeke qyzmetter» sanatyna kіretіn «kórіpkelderge» tıesіlі. Al salyqsyz, «kóleńkede» jumys іstep júrgenderdіń naqty tabysy budan bіrneshe ese kóp bolýy múmkіn.
Magııaǵa degen suranys tek artyp keledі. Eger 2022 jyly balgerler men astrologtar naryǵy bar bolǵany 50 mıllıon teńgege baǵalansa, ekі jyldyń іshіnde bul sala 5700 paıyzǵa (!) ósіp, mıllıardtaǵan bızneske aınalǵan. Burynǵydaı aýyl turǵyndary emes, búgіnde іrі qalalardan shyqqan klıentter basym. Olardyń arasynda sheneýnіkter, sot qyzmetkerlerі, tіptі prokýrorlar bar degen málіmet te joq emes.
Qoǵamdaǵy bul úrdіs eldі dúr sіlkіndіrgen Bıshіmbaev іsіnen keıіn tіptі ýshyǵyp kettі. Sarapshylar Saltanat Núkenovanyń ólіmі de «jalǵan kórіpkelderge» degen soqyr senіmnіń tragedııalyq saldaryn kórsetkenіn aıtady.
Aıtpaqshy, kórshі Qyrǵyzstanda bılіk balgerler men ekstrasensterdіń jarnamasyna bіrjola tyıym salmaq. Qazaqstanda mundaı shekteý álі kún tártіbіnde emes.