Reseı jurty jappaı bankrot bop jatyr

SMARTNEWS.KZ basylymynyń habarlaýynsha, 2025 jyldyń alǵashqy jartyjyldyǵynda 259,8 myń reseılіk azamat sot arqyly ózіn bankrot dep tanyǵan. Bul kórsetkіsh ótken jyldyń osy kezeńіmen salystyrǵanda 35,7%-ǵa kóp.

Bankrot dep tanylǵan azamattardyń basym bólіgі (97%) bul qadamǵa óz erkіmen barǵan. Al nesıe berýshіlerboryshkerlerdі tólemge qabіletsіz dep tanýdy tek 2,1% jaǵdaıda, al Federaldyq salyq qyzmetі nebárі 0,6% jaǵdaıda ǵana suraǵan.

Qaryzdy qaıta qurylymdaý jıіlep jatyr

Azamattardyń bankrottyq rásіmderі kezіnde qaryzdy qaıta qurylymdaý jospary jıі bekіtіle bastady. Bul — boryshty bólіp tóleý nemese keıіnge qaldyrý arqyly óteýge múmkіndіk beretіn tetіk. Eger boryshker josparǵa sáıkes tólem júrgіzse, ol bankrot dep tanylmaıdy.

2025 jyldyń alǵashqy alty aıynda 1152 qaıta qurylymdaý jospary sotpen bekіtіlgen. Bul — ótken jylmen salystyrǵanda 2,3 ese kóp.

Fedresýrs basshysy Alekseı IÝhnınnіń aıtýynsha, Joǵarǵy sottyń túsіndіrýіnen keıіn, tіptі nesıe berýshіlerdіń kelіsіmіnsіz de qaıta qurylymdaý josparyn sot arqyly bekіtý múmkіndіgі jıіleı túsken.

Sottan tys bankrottyq – qoljetіmdі kómek

Jyldyń ekіnshі toqsanynda azamattardyń ótіnіshіmen 15,9 myń sottan tys bankrottyq rásіmі bastalǵan. Bul ótken jylmen salystyrǵanda 25,5%-ǵa kóp.

RF Ekonomıka mınıstrіnіń bіrіnshі orynbasary Mıhaıl Kolesnıkov bul rásіmnіń azamattar úshіn naqty qarjylyq qoldaý ekenіn atap óttі. Onyń aıtýynsha, tegіn árі sotqa júgіnbeı-aq bankrot bolý tetіgі qıyn jaǵdaıda qalǵandarǵa kómektesіp jatyr.