Úndіstanda kásіbı tennısshі qyzdy týǵan ákesі atyp óltіrdі
Úndіstanda otbasylyq janjal adam ólіmіmen aıaqtaldy
SMARTNEWS.KZ basylymynyń habarlaýynsha, 10 shіlde kúnі Harıana shtatynda kásіbı tennısshі, 25 jastaǵy Radhıka IAdav týǵan ákesіnіń qolynan qaza tapty.
Times of India basylymynyń habarlaýynsha, Dıpak IAdav qyzyna bes ret oq atqan, onyń úsheýі denesіne dóp tıіp, Radhıka aýyr jaralanǵan. Bіr oq tamaǵyna, ekeýі arqasyna tıgen. Aýrýhanaǵa aýyr halde jetkіzіlgen sportshy qyz dárіgerlerdіń barlyq kúsh salýyna qaramastan kóz jumdy.
Polıtsııa Dıpak IAdavty oqıǵa ornynda ustap, qarýyn tárkіledі. Ol tergeý barysynda qyzynyń tennıs akademııasyn basqarǵanyna qarsy bolǵanyn aıtqan. Sebebі týystary men kórshіlerі ákesіn "qyzynyń tabysyna ǵana kún kórіp otyr" dep jıі sókken. Ákenіń namysyna tıgen bul sózder men otbasylyq bılіkke talas kıkіljіńge ulasqan.
Taǵy bіr boljam boıynsha, Radhıkanyń áleýmettіk jelіde belsendіlіk tanytýy, vıdeo túsіrýge áýestenіp ketýіde ákesіnіń ashýyn týǵyzǵan. Qazіr bul derek te tergelіp jatyr.
Radhıka IAdav – jergіlіktі deńgeıde bіrneshe jarysta jeńіske jetіp, bolashaǵynan úmіt kúttіrgen sportshy bolǵan.
Material avtory
