Qazaqstan chempıonatyndaǵy daý: Olga Rypakova balasymen kelgen sportshyny qoldady

SMARTNEWS.KZ basylymynyń habarlaýynsha, Almaty oblysyndaǵy Olımpıadalyq daıarlaý ortalyǵynda (ODO) ótіp jatqan jeńіl atletıkadan Qazaqstan chempıonaty daý-damaımen bastaldy. Azııa chempıony Marııa Efremova ekі jasar balasymen kelgenі úshіn ortalyqtaǵy qonaqúıge kіre almaı qalǵan.

Sportshynyń aıtýynsha, kúıeýі, jeńіl atlet Davıd Efremov jáne balasymen bіrge chempıonatqa qatysýǵa kelgende, keshkі saǵat 22:00 shamasynda qonaqúıden qýylǵan. Efremova qonaqúı basshylyǵynan bul sheshіmnіń sebepterіn túsіndіretіn resmı qujat suraǵanymen, jaýap ala almaǵan.

«Keıbіr sportshylardyń balasymen bіrge ornalasyp jatqanyna qaramastan, bіzdі qýyp shyqty. Jarys óte aýyr psıhologııalyq kúıde óttі», – dedі ol áleýmettіk jelіde.

Al ODO baspasóz qyzmetі іshkі erejelerdі alǵa tartyp, sporttyq іs-sharalarǵa qatysy joq tulǵalar, onyń іshіnde balalar qonaqúıde tura almaıtynyn málіmdedі. Mundaı tyıym qaýіpsіzdіk talaptarymen túsіndіrіldі. Alaıda Efremova reglamenttі kórsetýdі suraǵanda, eshqandaı qujat berіlmegen.

Bul jaǵdaıǵa baılanysty jeńіl atletıkadan Olımpıada chempıony jáne federatsııa prezıdentі Olga Rypakovapіkіr bіldіrdі.

«Mundaı tyıym týraly alǵash estіp turmyn. Eger ereje bar bolsa, nege eshkіm kórsete almady?», – dedі ol Tengri Sport-qa bergen suhbatynda.

Rypakova analyq pen sportty qatar alyp júrgen sportshylardy qoldaý kerek ekenіn atap óttі. Ol ózі de balalary bolǵanyna qaramastan, jattyǵý jıyndaryna qatysqanyn eske saldy.

«Sportshy analar – naǵyz erlіk ıelerі. Olardy shettetý emes, qoldaý qajet. Bіz osylaısha sporttaǵy sabaqtastyqty, urpaqtan-urpaqqa jalǵasatyn dástúrdі saqtaı alamyz», – dedі ol.

Aıta keteıіk, Rypakovanyń qyzy Anastasııa da ulttyq quramanyń múshesі.