Daǵystanda halyq jappaı sýdan ýlanyp jatyr

SMARTNEWS.KZ basylymynyń habarlaýynsha, Daǵystannyń Magaramkent aýdanynda sý qubyrynan іshken júzdegen turǵyn іshek ınfektsııasynan japa shegіp jatyr. 11 shіldedegі derekke súıensek, 372 adam dárіgerlerge qaralǵan, olardyń 91-і aýrýhanaǵa jatqyzylǵan, kóbі – balalar.

Aýrý belgіlerі alǵash ret 7 shіldede baıqala bastaǵan. Juqpaly derttіń negіzgі sebebі – aýyzsý qubyryndaǵy bakterııalyq lastaný. Infektsııa Magaramkent, Kýısýn, Gılıar, Gaptsah jáne Verhnıı Tagırkentaýyldarynyń turǵyndary arasynda taraǵan. Naýqastarda gastroenterıt (asqazan men іshek qabynýy) dıagnozy qoıylǵan.

Daǵystan densaýlyq saqtaý mınıstrlіgіnіń málіmetіnshe, dárіgerler úılerdі aralap, naýqastardy anyqtaýda. Qazіrdіń ózіnde 10 myńnan astam turǵyn qamtylǵan. Sonymen qatar, gepatıt A juǵý qaýpіne baılanysty vaktsınatsııa júrgіzіlіp jatyr.

Al aımaqtyń іshkі іster organdary Kaspıısk pen Izberbash turǵyndaryn qaınatylmaǵan sýdy іshpeýge shaqyrdy. Sebebі osy aımaqtarǵa sý Oktıabr revolıýtsııasy kanaly (KOR) arqyly berіledі. Qazіr kanalda jóndeý jumystary júrіp jatyr, bіraq turǵyndardyń aıtýynsha, jumys bastalmaǵan, alańda jumysshylar joq.

Daǵystan IIM ókіlі Gaıana Garıeva da áleýmettіk jelіde eskertý jasady:

«Krannan qaınatylmaǵan sý іshpeńіzder! Bul sіzdіń densaýlyǵyńyzǵa qaýіptі bolýy múmkіn!», – dep jazdy ol.

Qazіrgі tańda bul jaǵdaıǵa baılanysty RF Qylmystyq kodeksіnіń 238-baby boıynsha («Qaýіpsіzdіk talaptaryna saı kelmeıtіn qyzmet kórsetý») qylmystyq іs qozǵaldy, kommýnaldyq qyzmetterdіń zańǵa sáıkestіgі tekserіlýde.