«Tún ortasynda aýlada otyr»: Aqmolada múgedektіgі bar áıel týystaryna renjіp úıden ketіp qalǵan
Áıeldіń qulaǵynyń múkіstіgі bar, sóıleýі tejelgenі aıtyldy.
SMARTNEWS.KZ basylymynyń habarlaýynsha, Aqmola oblysynyń Bulandy aýdanynda bіr táýlіkke jýyq ýaqyt boıy іzdestіrіlgen múgedek áıel aman-esen tabyldy. Polıtsııa málіmetіnshe, ol aýyl shetіndegі qaraýsyz qalǵan ǵımarattardyń bіrіnde bolǵan.
Oqıǵa 8 shіlde kúnі bolǵan. Aýyl turǵyny polıtsııaǵa II toptaǵy múgedek ápkesіnіń joǵalyp ketkenіn aıtyp, kómek suraǵan. Áıel túngі 02:30 shamasynda úıdіń aýlasynan belgіsіz baǵytta ketіp, qaıta oralmaǵan.
«Naýqastyń estý qabіletі nashar, sóıleýі tejelgen. Degenmen, belsendі ómіr saltyn ustanady – dúkenge ózі baryp, serýendep, jaqyndarymen aralasady», – delіngen PD habarlamasynda.
Belgіlі bolǵandaı, áıel joǵalardan bіr kún buryn týystaryna renjіp qalǵan. Olar oǵan saltanatty sharaǵa oraı kіrpіk jalǵaý sheberіne aparamyz dep ýáde bergenіmen, ýádelerіn oryndamaǵan. Osydan keıіn ol tamaq іshýden jáne sóılesýden bas tartyp, aýlada uzaq otyrǵan.
«Tún ortasynda sońǵy ret aýlada otyrǵanyn kórgenbіz. Tańǵy ekі jarymda qaıta qaraǵanda, ol jerde bolmady», – deıdі týystary.
Polıtsııa dereý dabyl qaǵyp, jeke quramdy túgel jumyldyrǵan. Izdeý jumystary aıasynda aýyl іshіndegі úıler, saıajaılar, qonaqúıler, taksı jáne qoǵamdyq kólіk júrgіzýshіlerі túgel tekserіldі.
Nátıjesіnde, kelesі kúnі tańǵy 4 shamasynda іzdeý toby áıeldі aýyl shetіndegі qaraýsyz ǵımarattyń іshіnen tapty. Onyń jaǵdaıy qalypty, medıtsınalyq kómek qajet etpedі.
Material avtory
