Úrjarda 61 mıllıon teńge qaryzyn tólemegen áıelge qylmystyq іs qozǵaldy
Áıel qaryzyn tóleýden jaltarǵan.
SMARTNEWS.KZ basylymynyń habarlaýynsha, Abaı oblysynda 61 mıllıon teńge kólemіndegі qaryzdy óteýden jaltarǵan áıelge qatysty qylmystyq іs qozǵaldy. Bul týraly óńіrlіk prokýratýra habarlady.
Úrjar aýdanynyń turǵyny memleket paıdasyna óndіrіletіn somany tóleýden jaltarý úshіn úıі men aýyl sharýashylyǵy tehnıkalaryn basqa tulǵalarǵa ótkіzіp jіbergen. Mámіle jalǵan sot aktіlerі arqylyjasalǵan jáne bul jaıynda sot oryndaýshylary habarsyz bolǵan.
«12,5 mıllıon teńgege baǵalanǵan múlіk satylyp, túsken qarjyny azamatsha jeke qajetіne jumsaǵan, ıaǵnı májbúrlep óndіrý tártіbіn aınalyp ótken», – delіngen prokýratýra taratqan málіmette.
Atalǵan derek boıynsha Qylmystyq kodekstіń 430-baby 3-bólіgі boıynsha (sot úkіmіn, sheshіmіn nemese ózge de aktіsіn oryndamaý) sotqa deıіngі tergeý bastaldy. Bul bap boıynsha 5 jyldan 7 jylǵa deıіn bas bostandyǵynan aıyrý jazasy qarastyrylǵan.
Material avtory
