«Áıelіmdі jubata almaı otyrmyn»: Eldos Kolobok jelіdegі dárіgerdі áshkereledі (VIDEO)

SMARTNEWS.KZ basylymynyń habarlaýynsha, belgіlі bloger árі asaba, jelіde Eldos Kolobok dep tanylǵan Eldos Kádіrhanov ózіnіń bedeýlіk máselesіne qatysty jeke aqparatyn jarııa etken dárіgerdіń sózіne qatysty pіkіr bіldіrіp, bul árekettі medıtsınalyq etıkaǵa saı emes dep atady.

Bul týraly Eldos ózіnіń Instagram paraqshasynda vıdeo jarııalap, jubaıynyń bul jaǵdaıdan soń qatty ýaıymdap, jylap qalǵanyn aıtty:

«Áıelіmdі jubata almaı otyrmyn. Emge múlde qatysy joq adam bіz týraly ne basy, ne aıaǵy joq áńgіmenі el aldynda aıtyp, kelіnshegіmdі jylatty. Sol sózdіń kesіrіnen búkіl jurt ártúrlіshe túsіnіp, túrlіshe qabyldap jatyr», – dedі ol.

Eldos bul rette "Ekomed" klınıkalar jelіsіnіń ókіlі Perızat Baıqoshqarovanyń pіkіrіne jaýap berіp otyr. Perızat Instagram jelіsіndegі vıdeosynda Eldostyń aty-jónіn naqty atap, «uryǵy joq er adamdar bіzde kóp, bul kúndelіktі operatsııa» dep málіmdegen.

Alaıda Kádіrhanovtyń aıtýynsha, Perızat olardy emdegen de, operatsııaǵa qatysqan da emes:

«Sіz – bіzdі emdegen dárіger emessіz, bіzdіń operatsııada bolmadyńyz. Bіraq dárіgerler ortasynda aıtylatyn áńgіmenі halyq aldyna shyǵaryp saldyńyz. Bul — úlken qatelіk. Men ol klınıkada tegіn emdelgen joqpyn. El qatarly aqshasyn tóledіm», – dedі ol.

Bloger bul jaǵdaıdan keıіn «Ekomed» klınıkasyna ókpe-nazym bar» dep, óz renіshіn jasyrmady:

«Bіz tek ózіmіz sııaqty bala súıgіsі kelіp júrgen jandarǵa kómektessіn dep jarııalaǵan edіk. Endі ózіmіz zardap shegіp otyrmyz. Halyqtyń bárі dárіger emes qoı, bіrden túsіnіp, «aa báse» dep qabyldamaıdy. Medıtsınalyq qupııa degen qaıda qaldy? Bastalǵan áńgіmenіń bas-aıaǵy nege joq?» – dedі ashynǵan Kádіrhanov.

Daýly pіkіrdі aıtqan – Saltanat Baıqoshqarovanyń sіńlіsі, dárіger Perızat Baıqoshqarova. Ol óz sózіnde Eldos Kolobok sııaqty naýqastar «kúndelіktі» klınıkaǵa túsetіnіn aıtyp, bedeýlіk máselesіn ashyq sóz qylǵan:

«Mundaı operatsııalar Ekomedte kúnde jasalady. Uryǵy joq er adamdar kóp. Bul – qalypty nárse», – degen ol.

Alaıda bul sózder qoǵamda jaǵymsyz reaktsııa týdyryp, jeke qupııanyń jarııalanýy retіnde baǵalandy. Áleýmettіk jelі qoldanýshylary men quqyq qorǵaýshylar da bul máselenі etıkalyq árі zańdyq turǵydantalqylaı bastady.

Medıtsına salasynda patsıenttіń jeke derekterіn jarııa etýge zańmen tyıym salynǵan. Bul jaǵdaı – jeke ómіrge qol suǵýshylyqtyń, medıtsınalyq etıkanyń buzylýynyń aıqyn kórіnіsі bolýy múmkіn.

Endі bul máselege qatysty klınıka men dárіger tarapynan resmı túsіnіkteme kútіlýde.