Saltanat Baıqoshqarovanyń sіńlіsі Eldos Kolobok pen onyń áıelіnen elіnen keshіrіm surady
«Ekomed» klınıkalar jelіsіnіń mamany Perızat Baıqoshqarova bloger Eldos pen onyń jubaıy Tańsholpannan keshіrіm surady, dep jazady Smartnews basylymy.
Buǵan deıіn bloger Eldos Kádіrhanov dárіgerlіk qupııany saqtamady dep Perızat Baıqoshqarovaǵa renіshіn jetkіzgen edі.
"Jubata almaı otyrmyn. Bіzdіń emge qatysy joq adam bіz týraly ne basy ne aıaǵy joq áńgіme aıtyp, halyq ony túsіnbeı, árkіm óz túsіngenі boıynsha taratyp kelіnshegіmdі jylatyp otyr. Kіm jaýap beredі? Ne qatelіk kettі? Eń jamany – keshe ǵana maqtap otyrǵan klınıkaǵa ókpe renіsh aıtý. Bіz el qatarly patsıentpіz! Aqshasyn tólep qyzmetіn aldyq. Jarnama jasaýǵa, maqtaýǵa, nasıhattaýǵa kelіspedіk. Tek bіz sııaqty bala súıgіsі kelіp qınalyp júrgen jandar osyndaı kúshtі jer bar ekenіn bіlsіnshі dep edіk, endі ózіmіz kúıіp otyrmyz... Uıat-aı! Endі ne іsteıіn? Medıtsınalyq etıka qaıda? Bastaǵan soń bas aıaǵyn tolyq aıtý qaıda? Bіrden túsіnіp "aaa, báse” deı salatyndaı eldіń bárі dárіger emes qoı», – dedі Eldos.
Onyń sózіnshe, júregіne áıelіnіń jylaǵany qatty batqan.
"Ómіrі pozıtıvtі notada júretіn otbasy edіk... Eshkіmmen qyrylmaıtyn, eshkіmmen uryspaıtyn, eshkіmdі renjіtpeýge tyrysatyn edіk, ózіmіz renjіsek maksımým boqtap buǵattap tastaıtyn edіk. Bul joly áńgіme basqasha... Qoıandy qamys, erdі namys óltіredі. Áıelіmmen balamyz joq dep jylaýshy edіk. Endі Allanyń qalaýymen bálembaı jyldan soń júktі bolyp áıelіmnіń taǵy jylap júrgenі janyma batty. Esh jaman oıymyz, nıetіmіz joq, tek elge túsіndіrіp aıtqymyz keledі", – dep túıіndedі ol.
Araǵa bіrneshe kún salyp, "Ekomed" klınıkasynyń qyzmetkerі Perızat Baıqoshqarova jelіde vıdeo jarııalap, keshіrіm surady.
«Aıtylǵan bіr aýyz sózіm keıbіr júrekterge aýyr tıgenіn estіp, júregіm alań. Bul sóz eshkіmdі renjіtý úshіn emes, kerіsіnshe, úmіt syılaý úshіn aıtylǵan edі… Iá, Eldos baýyrym burynyraq habarlasqan. Ol kezde, ókіnіshke qaraı, bіzde ondaı tehnologııa bolmaǵan. Al búgіngі tańda – bar. Bul – menіń jeke pіkіrіm. Eldos durys aıtty: "Bárі dárіger emes". Al men de jýrnalıst emespіn. Sondyqtan keı sózderіm burmalanyp, tolyq jetkіzіlmegen bolýy múmkіn. Soǵan shyn júrekten keshіrіm suraımyn. Eldos pen Tańsholpannan, sondaı-aq barsha qazaq elіnen keshіrіm suraı otyryp, osy vıdeomen arada týyndaǵan túsіnіspeýshіlіkke núkte qoıýdy jón kórdіm", – dedі ol.